‘पर्यटन क्षेत्रलाई व्यवस्थित गरे अमेरिका, जापान, अष्ट्रेलियाभन्दा नेपाल उत्कृष्ट हुन्छ’

प्राकृतिक मनोरम, वातावरणीय सुन्दरता तथा विश्वकै सवैभन्दा उत्कृष्ट पर्यटकीय स्थलको रुपमा परिचित देश नेपाल हो । कृतिम मनोरम तथा सुन्दरता विश्वका विकसित मुलुकहरुमा प्रशस्त रहेता पनि प्राकृतिक रुपमा नेपालको सुन्दरताको अन्य मुलुकसँग तुलना गर्न मिल्दैन । प्राकृतिक सुन्दरता, स्रोत तथा साधनको खानी नेपाल हो ।

कुनै एक गाउँको डाँडामा वसेर चारै तर्फ फर्किएर हेर्ने हो भने प्राकृतिक मनोरमका कारण मानिसका पिडाहरुलाई सहजै रुपमा भुल्न सकिन्छ । नेपालको हावापानी, प्राकृतिक स्रोत तथा साधनकै कारण रोकगसँग लड्ने क्षमता समेत अत्याधिक रहेको छ । जसको ज्वलन्त उदाहरणको रुपमा कोरोनाको कहरलाई लिन सकिन्छ । नेपालको स्वच्छ हावापानी, खानपान तथा प्राकृतिक जडिवुटीका कारण कोरोनाका कारण मृत्यु हुनेको संख्या नेपालमा अन्य देशको तुलनामा अत्याधिक न्युन रहयो ।

कोरोनाका कारण नेपालमा मात्र नभई विश्वमा नै पर्यटन क्षेत्रका ट्रेकिङ, टुर्स एण्ड ट्राभल्स, होटल, रेष्टुरेन्ट, पर्यटकीय क्षेत्र, यातायातलगायतलाई ठूलो चुनौति खडा गरिदिएको छ । रोजगारीको सवैभन्दा महत्वपूर्ण आधारको रुपमा रहेको पर्यटनलाई अझ वढी व्यवस्थित र प्रभावकारी बनाउने वर्तमान समयको आवश्यकता रहेको छ । मुलुकको आर्थिक विकासको मेरुदण्डको रुपमा रहेको पर्यटन क्षेत्रलाई उठाउन र व्यवस्थीत बनाउन सके आर्थिक वृद्धिदर उच्च बनाउन मात्र नभई लाखौंलाई रोजगारीको सिर्जना गर्न सकिन्छ ।

नेपालमा रोजगारीको वातावरण सिर्जना गरे विदेशीएका नेपालीले सिप, क्षमता तथा दक्षता हासिल गरी युवा जोसका साथ नेपाल फर्कने निश्चित रहेको छ । रोजगारीको लागि विदेशीएका युवालई अल्छि हुनु हुँदैन भन्ने शिक्षा राम्ररी दिएको छ । जापान, अमेरिका, अष्ट्रेलिया, युरोपका विभिन्न मुलुक तथा अन्य मुलुकमा रोजगारीको लागि गएका नेपालीहरुको त्यहाँको वसाई कलेजको रुपमा रहेको छ । जसबाट नयाँ नयाँ कुरा तथा प्रविधिको प्रयोगको प्रसस्त ज्ञानहरु प्राप्त गरेका छन् । उक्त ज्ञानलाई नेपाली पर्यटन क्षेत्रमा लगाउनु अहिलेको नेपालको लागि अनिवार्य आवश्यकता जस्तै बनेको छ । जसवाट नेपालको विकास र समृद्धिको यात्रालाई निर्धारित लक्ष्यमा पुर्याउन सहज हुने निश्चित रहेको छ ।

सकारात्मक सोचाई नै सफलताको शिखर हो । सकारात्मक सोचको साथमा काम प्रतिको दृढता, इच्छाशक्ति तथा नेतृत्वकर्ताको जागरुकता, मिसन र भिजन महत्वपूर्ण हुन्छ । नेपालका नागरिकलाई नै रोजगारी सिर्जना गरी आफ्नो मातृभूमिलाई नै विकास र समृद्धिको यात्रामा अगाडी बढाउन विदेशीएका आम नेपाली फर्किन आतुर रहेका छन् । जसको लागि नेतृत्वकर्ता तथा सरकारले विशेष भूमिका निर्वाह गर्नुपर्ने छ ।

कोरोनाका कारण डामाडोल भएको नेपालको अर्थतन्त्रको परिवर्तन तथा विकासको लागि नयाँ योजनाका साथ अगाडी बढ्नुपर्ने बाध्यता रहेको छ । कोरोनाको कारण समस्याको थिलथिलो बनेको पर्यटन क्षेत्र अबको ६ महिनाभित्र राइज हुँदै जानेछ । तसर्थ आन्तरिक पर्यटकलाई व्यापक प्रवद्र्धन र विकास गरी नेपालको पर्यटन क्षेत्रलाई अग्रगामी विकासको लागि लाग्नुपर्छ । अगामी दिनमा पर्यटन क्षेत्रको अल्पकालिन भन्दा पनि दिर्घकालिन रुपमा स्थापीत गर्ने गरी योजना बनाई अगाडी बढेमा नेपाली युवाहरु विदेशीनुपर्ने वाध्यताको समेत अन्त्य हुने निश्चित रहेको छ ।

नेपालमा पर्यटन क्षेत्रको विकास र विस्तारको लागि चीन र भारतलाई मात्र सहकार्य गरी पर्यटन क्षेत्रको विकास गरेमा चीन र भारतका नागरिकको जम्मा जनसंख्याको ०.५ प्रतिशतका दरले मात्र नेपालमा भित्र्याउन सके नेपालले वर्तमान अवस्थाको तयारीले थाम्नै नसक्ने गरी हुन्छ । चीन र भारतको जम्मा जनसंख्याको ०.२ प्रतिशत हाराहारी मात्र मानिसलाई नेपाल भित्र्याउन विशेष राणनीतिका साथ अगाडी बढेमा नेपालको पर्यटन तथा आर्थिक वृद्धिदरमा कायापलट नै हुने देखिएको छ । जसलाई सफल बनाउन पर्यटन मन्त्रीले योजना तथा इच्छाशक्ति देखाएमा सम्भव छ । जुन सफल भएमा व्यक्तिमात्र नभई सरकारको नै आर्थिक वृद्धिदर उच्च हुन पुग्छ ।

युरोप, जापान, अमेरिकका, अष्ट्रेलिया जाने हैन, त्यो भन्दा धेरै ठूलो रोजगारीको सम्भावना नेपालको पर्यटन क्षेत्रमा नै रहेको छ । नेपालबाट दुवई, कतार, साउदीलगायतका देशमा रोजगारीको लागि नेपाली जाने नभई नेपालमा रोजगारीको खोजीको लागि आउने वातावरण सिर्जना गर्ने गरी राजनीतिक नेतृत्वले योजनावद्ध रुपमा अगाडी बढ्नु वर्तमान समयको टड्कारो आवश्यकता रहेको छ ।

जापानका नागरिक ‘स्पा’को तातोपानीमा दैनिक रुपमा वस्नु नै लामो समयसम्म वाच्ने मात्र नभई वाथ, युरीक एसिडलगायतका रोगबाट बच्न उत्तम उपायको रुपमा ग्रहण गर्दछन् । त्यसैले उक्त कुराहरुलाई व्यवस्थित गर्न नेपालमा प्रशासन, स्थानीय, होटल व्यवसायी, पर्यटकीय स्थल, पर्यटकीय संघ संस्था, रेष्टुरेन्ट, स्पा, देश विदेशको अनुभव र सामाजिक सद्भावना भएको व्यक्तिको नेतृत्व आवश्यकता रहेको छ । ठमेल पर्यटन विकास परिषदले काठमाडौँको ठमेल लगायतका नेपालका पर्यटकीय स्थलहरुमा २४शैं घण्टा उक्त प्रकारका पर्यटकीय गतिविधिहरुको व्यवस्थित र प्रभावकारी तवरले सञ्चालन गर्न व्यवस्थापन अबको महत्वपूर्ण जिम्मेवारी रहेको छ ।

विदेशीको तुलनामा नेपालीमा कामप्रति दृढता कम रहेको पाइन्छ । जापानामा ७० – ७५ वर्षमा नागरिकले दैनिक कामहरु गरिरहेका हुन्छन् । तर नेपालमा भने कामप्रति चासो कम भएको पाइन्छ । जसमा काम प्रतिको सम्मान तथा अवसरको कमी नै मुख्य समस्या हो ।

राजनीतिले विकास नभई अबका दिनमा विकासको राजनीति गर्नुपर्ने छ । बोलेर नभई काम गरेर राजनीति गर्नुपर्ने वर्तमान समयको आवश्यकता हो । शान्ति र सद्भावको देशको रुपमा नेपाल स्थापीत हुँदै गएको छ । यसलाई दिर्घकालिन तथा युद्ध, अपराधमुक्त नेपाल निर्माण गर्न आम नेपाली जनताको समेत महत्वपूर्ण भूमिका रहेको छ ।

प्रतिक्रिया दिनुहोस्

संबन्धित समाचार

काठमाडौँ, ५ बैशाख । मुम्बई इन्डियन्स इन्डियन प्रिमियर लिग (आईपीएल) मा लगातार दोस्रो जित हात पार्दै शीर्ष स्थानमा उक्लेको छ

काठमाडौँ, ५ बैशाख । बार्सिलोनाले स्पानिस कोपा डेल रेको फुटबलको उपाधि जितेको छ । शनिबार राति भएको फाइनलमा मेसीको दुई

काठमाडौँ, ४ बैशाख । त्रिदेशीय टी–ट्वान्टी शृङ्खलाको पहिलो खेलमा नेपालले शानदार जित हात पारेको छ । त्रिवि क्रिकेट मैदानमा नेपालले नेदरल्याण्ड्सलाई ९ विकेटले

काठमाडौँ, ४ बैशाख । महेन्द्र सिंह धोनीले इन्डियन प्रिमियर लिग (आईपीएल)मा चेन्नाई सुपर किंग्सका लागि दुई सयौँ खेल खेल्दा चेन्नाई

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021