प्रचण्ड-माधव समूहका दुई जिल्ला सचिवद्वारा जिम्मेवारी अस्वीकार

काठमाडौँ, ११ फागुन । नेकपा प्रचण्ड-माधव समूहका दुई जना सचिवले जिम्मेवारी अस्वीकार गरेका छन् ।

नेता हिमाल शर्मा काठमाडौँ जिल्ला कमिटीको सचिवको जिम्मेवारीमा नबस्ने भएका हुन । तत्कालीन माओवादी केन्द्रको काठमाडौँ जिल्ला कमिटी अध्यक्ष रहेका शर्माले दुई पार्टी एकीकरण गर्ने सन्दर्भमा आफूले सचिवको जिम्मेवारी स्वीकार गरे पनि पुनः त्यही जिम्मेवारीमा नरहने बताए ।
प्रचण्ड-माधव पक्षीय नेकपाले काठमाडौँसहित ६८ जिल्लाको अध्यक्ष र सचिव तोकेकोमा शर्मालाई पुनः सचिवको जिम्मेवारीमा राखिएको छ । शर्मा सग्लो नेकपाको पनि काठमाडौं जिल्ला सचिव थिए ।

अध्यक्षद्वय पुष्पकमल दाहाल ‘प्रचण्ड’ र माधवकुमार नेपालले ७ फागुनमा गरेको हस्ताक्षर सर्कुलरमा बसन्त मानन्धरलाई अध्यक्षको जिम्मेवारी दिइएको छ । मानन्धर पूर्व एमाले समूहका हुन्। सग्लो नेकपामा कृष्ण राई अध्यक्ष थिए । हाल उनी केपी ओली पक्षतिर लागेका छन् । शर्माले काठमाडौंका हकमा सर्कुलर अन्तिम नरहेको समेत दावी गरे । तत्कालीन माओवादी केन्द्रको केन्द्रीय सदस्य रहेका शर्मा अखिल (क्रान्तिकारी)को अध्यक्ष र त्रिभुवन विश्वविद्यालयको स्ववियू सभापति समेत भएका थिए ।

त्यस्तै भोजपुरका जिल्ला सचिव विमल खड्काले पनि अध्यक्ष नपाएपछि सचिव पद अस्वीकार गरेका छन् । उनी पार्टी एकीकरणपछि साबिक माओवादीबाट सचिव थिए । अध्यक्ष प्रेमकुमार राई ओली पक्षमा लागेपछि प्रचण्ड-माधव पक्षले साबिक एमालेका शरणकुमार राईलाई अध्यक्ष बनाएर खड्कालाई सचिवमै कायम राखेको थियो । उनले फेसबुकमार्फत आफू सचिवमा नरहने भन्दै अर्को व्यक्ति सचिव बन्ने बताएका छन् ।

प्रतिक्रिया दिनुहोस्

संबन्धित समाचार

काठमाडौँ, १९ फागुन । आर्थिक वर्ष ०७६/ ७७ को मुनाफाबाट नेपाल टेलिकमले नगद लाभांश प्रस्ताव गरेको छ । प्रतिशेयर ४० रुपैयाँका

काठमाडौँ, १९ फागुन । ताप्लेजुङको दोभान बजारका अग्नि पीडितलाई दीर्घकालिन पुनर्स्थापनाका लागि भूकम्पपीडित सरह सहयोग उपलब्ध गराउनुपर्ने मागसहित गृहमन्त्री समक्ष ज्ञापन

काठमाडौँ, १९ फागुन । युवाहरुलाई विकास र समृद्धिको लागि देशभित्रै योग्यता र क्षमताको आधारमा स्थापीत गर्नुपर्ने महत्वपूर्ण जिम्मेवारी अंगालेको राष्ट्रिय

काठमाडौँ, १९ फागुन । प्रधानमन्त्री केपी ओलीले आफूलाई सरकारबाट हटाए अर्को निर्वाचनमा दुई तिहाइ बहुमत ल्याएर सिंहदरबार फर्कने बताएका छन्

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021