बागमती गाउँपालिकाको आठौं गाउँसभाद्वारा एक दर्जन कानुन पारित

ललितपुर, ११ फागुन । ललितपुरको बागमती गाउँपालिकाको आठौं गाउँ सभाले एक दर्जन कानुन पारित गरेको छ । गाउँपालिकामा आवश्यक पर्ने विभिन्न कानुनका विधेयकलाई गाउँसभामा सभाका सदस्यहरुले दफावार छलफल गरी पारित गरेको हुन् ।

गाउँसभाले टोल विकास संस्था कार्यविधि, व्यवसाय कर सम्बन्धी कार्यविधि, स्थानीय वातावरण तथा प्राकृतिक स्रोतको सञ्चालन सम्बन्धमा व्यवस्था गर्न बनेको विधेयक, गाउँपालिकाको संरक्षित वातावरणीय अध्ययन तथा प्रारम्भिक वातावरणीय परिक्षण कार्यविधि, गाउँपालिकाको वातावरण संरक्षण नियमावली गाउँसभाले पारित गरेको हो ।

त्यस्तै बागमती गाउँपालिकाको क्षेत्रभित्र नदिजन्य पदार्थ सङ्कलन र उपयोग सम्बन्धमा व्यवस्था गर्न बनेको कार्यविधि, बागमती गाउँपालिकाबाट गरिने बजार अनुगमन निर्देशिका, उपाध्यक्ष महिला शसक्तिकरण कार्यक्रम कार्यविधि, गाउँपालिकामा विपद जोखिम न्युनिकरण तथा व्यवस्थापन गर्न बनेको विधेयक, बागमती गाउँपालिका आपतकालिन कार्य सञ्चालन केन्द्र कार्यविधि, बागमती गाउँपालिकाको विपद व्यवस्थापनको सञ्चालन कार्यविधि, बागमती गाउँपालिकाको लैङ्गीक हिंसा निवारण कोष सञ्चालन कार्यविधि पारित गरेको बागमती गाउँपालिकाले जनाएको छ । गाउँपालिकाका अध्यक्ष वीरबहादुर लोप्चनले गाउँसभाले गाउँपालिकालाई आवश्यक पर्ने कानुन पारित गरेको र अब कार्यान्वयनमा ल्याउने बताउनुभयो ।

गाउँपालिकाका प्रमुख प्रशासकीय अधिकृत खम्बराज राईले गाउँसभाले पारित गरेको कानुनलाई कार्यान्वयनमा ल्याई सुशासन कायम गर्न आफूहरु क्रियाशिल रहने बताउनु भयो ।

प्रतिक्रिया दिनुहोस्

संबन्धित समाचार

काठमाडौँ, ३१ वैशाख । शुक्रबार प्रधानमन्त्री केपी शर्मा ओलीले वर्तमान सरकारले जनताको विकासप्रतिको मुर्छित सपनालाई साकार बनाउँदै विभिन्न प्रकारका आयोजनाहरु

काठमाडौँ, ३१ वैशाख । प्रधानमन्त्री केपी शर्मा ओलीले आज ४३औं प्रधानमन्त्रीको पद तथा गोपनीयताको सपथ लिनुभएको छ । त्यस्तै नवनियुक्त

काठमाडौँ, ३१ वैशाख । स्वास्थ्य उपचारका लागि विदेश जानु पर्ने र उनीहरूसँगै यात्रा गर्ने व्यक्तिको बाहेक अरूको राहदानी जारी नहुने

धनुषा, ३१ वैशाख । कोरोनाका कारण जनकपुर–जयनगर रेल सेवा प्रभावित हुने भएको छ । नेपाल रेल्वे कम्पनीका महाप्रबन्धक गुरुप्रसाद भट्टराईले नेपाल

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021