बुटवल, २ फागुन । नेपाली कांग्रेस माहाधिवेशन प्रतिनिधि तथा दाङ जिल्ला कमिटी सदस्य भेषराज खत्री प्रधानमन्त्री केपी शर्मा ओली नेतृत्वको नेकपामा प्रवेश गरेका छन् ।
लुम्बिनी प्रदेशका मुख्यमन्त्री तथा ओलीपक्षीय नेकपाका इन्चार्ज शंकर पोखरेलले खत्रीलाई आइतवार खादा लगाएर पार्टी प्रवेश गराएका हुन् ।
त्यस्तै नेकपा मालेको केन्द्रीय सदस्य लीला विक पनि माले परित्याग गरी नेकपामा प्रवेश गरेको छ ।उक्त पार्टी प्रवेश कार्यक्रममा नेकपाका केन्द्रीय सदस्य सुजिता शाक्य, शान्ता चौधरी, घोराही उपमहानगरपालिकाका मेयर नरुलाल चौधरीसमेत उपस्थित रहेको थियो ।