काठमाडौँ, २६ माघ । गृहमन्त्री रामवहादुर थापा बादलले बैतडीकी किशोरी भागिरथी भट्टको हत्यारा चाडै पत्ता लाग्ने बताएका छन ।
आज राष्ट्रियसभा र बिघटित प्रतिनिधि सभाका केही सदस्यहरुले गृहमन्त्री थापालाई भेटी हत्यारालाई पत्ता लगाइ कडा सजाय दिन, परिवारलाई राहत र क्षतिपूर्तिको ब्यवस्था गर्न र यस्ता घटना पुन नदोहोरियोस भनी सुरक्षालाई अझ चुस्त बनाउन गम्भीर ध्यानाकर्षण गराएका थिए ।
उक्त ध्यानाकर्षण पत्र बुझदै गृहमन्त्री थापाले बलात्कारीलाई जतिसक्दो छिटो कारवाहीको दायरामा ल्याउन गम्भिररुपमा अनुसन्धान भइरहेको बताए । उनले अनुसन्धानमा कुनै पनि कमि नरहने र दोषी चाडै पत्ता लगाएर कडा कार्वाही गरिने प्रतिवद्धता समेत व्यक्त गरेका छन
बैतडीकी किशोरी भागिरथी भट्टको पाँच दिनअघि बलात्कारपछि हत्या भएको थियो ।