काठमाडौँ, २३ माघ । रेनशा वान्तवा राइको निर्देशनमा तयार भएको फिल्म ‘आई एम ट्वान्टी वान’को छायांकन ५५ दिनमा सकिएको छ ।
काठमाडौँ, धरान, ललितपुर लगायतका स्थानमा छायांकन गरिएको फिल्ममा नायक धिरज मगर र नायिका जसिता गुरुङको मुख्य भूमिका छ ।
डान्सको कथामा निर्माण भएको उक्त फिल्म निकै नै चुनौतीपूर्णका साथ काम सकिएको निर्देशक रेनशाका भनाइ छ । प्रज्ज्वल शमशेशर जबराको निर्माणमा तयार भएको यो फिल्मको प्रदर्शन मिति भने तय भएको छैन ।