काठमाडौँ, ८ माघ । नेपाल कम्युनिस्ट पार्टी (नेकपा) केपी ओली समूहका नेता रामबहादुर थापा ‘बादल’ ले संसद पुनःस्थापन भए मुलुकमा प्रतिक्रान्ति हुने बताएको छन् ।
आज काठमाडौँ राष्ट्रिय सभागृहमा प्रेस संगठन नेपालको दोस्रो राष्ट्रिय भेलामा बोल्दै उनले भने, ‘संसद पुनःस्थापना भयो भने मुलुकमा प्रतिक्रान्ति हुने खतरा छ । संसद पुनःस्थापना हुन मुलुकको हितमा छैन । पुनःस्थापना पनि हुँदैन ।’
प्रधानमन्त्री केपी ओलीले संसद विघटनको साहसिक निर्णय भएको थापाले बताउदै उनले भने, ‘देशमा अस्थिरता सिर्जना गर्न प्रतिगमन गर्ने षड्यन्त्र थियो । त्यसलाई चिर्न संसद विघटनको साहसिक निर्णय गरिएको छ । हामी प्रतिगमन षड्यन्त्र चिर्न ताजा जनादेश जाने सरकारले निर्णय लिएको हो ।’
उनले पार्टीबाट फुटेर गएका एक समूह (पार्टी अध्यक्ष पुष्पकमल दाहाल प्रचण्ड र माधवकुमार नेपाल)ले संसद् पुनःस्थापनाको मुद्दा उठाइरहेको बताउँदै त्यो सही नभएको बताएका हुन् । उनले संसद् पुनःस्थापना भए मुलकमा राजनीतिक अस्थायित्व भित्रने बताए ।