काठमाडौँ, २७ कार्तिक । इन्डियन प्रिमियर लिग (आईपीएल) टी-२० क्रिकेटको १३ औं संस्करणमा सहभागी भएर नेपाली राष्ट्रिय टिमका सदस्य सन्दीप लामिछाने स्वदेश फर्किएका छन् ।
दिल्ली क्यापिटल्सका खेलाडी सन्दीप बिहीबार बिहान नेपाल आइपुगेका हुन् । युएईमा भएको आईपीएलमा दिल्लीले फाइनलसम्म पुग्दा १७ खेल खेल्दा सन्दीपले एक खेल पनि खेल्न पाएनन् । मंगलबार भएको फाइनलमा दिल्लीलाई ५ विकेटले पराजित गर्दै मुम्बई इन्डियन्सले उपाधि जितेको थियो ।
सन्दीप तीन महिना भन्दा बढी समयपछि नेपाल फर्किएका हुन् । बिहीबार नेपाल फर्किएपछि सन्दीपले ट्विटरमा लेखेका छन् ‘ कथा सकिएको छैन, विस्तारै शुरु हुँदै छ ।’
