विश्वमा एकै दिन ५ लाख कोरोना संक्रमित थपिए

काठमाडौँ, १३ कार्तिक । विश्वमा बुधबार एकै दिनमा हालसम्मकै सर्वाधिक ५ लाखभन्दा बढी संक्रमित थपिएका छन् ।

वर्ल्डोमिटर्सका अनुसार बुधबार विश्वभर ५ लाख २ हजार ९८५ जनामा संक्रमण पुष्टि भएका छ । यो हालसम्म एकै दिन पुष्टि हुने सर्वाधिक संक्रमित संख्या हो । यसअघि अक्टोबर २३ का दिन पनि उच्च संख्यामा ४ लाख ९२ हजार ६८३ जनामा संक्रमण पुष्टि भएको थियो । साथै विश्वभर पछिल्लाे २४ घण्टामा ७ हजार ९५ जनाकाे संक्रमणकै कारण मृत्यु भएकाे छ ।

पछिल्लो समय संयुक्त राज्यमा अमेरिकामा संक्रमण र मृत्युदर झन बढ्दै गएको छ भने भने भारतमा घटिरहेको छ । अमेरिकामा बुधबार ८० हजार नयाँ संक्रमित थपिएका छन् भने १ हजार ३० संक्रमितले ज्यान गुमाएका छन् । यससँगै त्यहाँ कुल संक्रमित संख्या ९१ लाख १९ हजार नाघेको छ, मृतक संख्या पनि २ लाख ३३ हजार नाघेको छ ।

उता भारतमा भने तुलनात्मक रुपमा संक्रमण कम देखिएको छ । त्यहाँ बुधबार ४९ हजार ९१२ जनामा संक्रमण पुष्टि भएको छ भने ५०९ जनाको ज्यान गएको छ । यससँगै भारतमा कुल संक्रमित संख्या ८० लाख ३८ हजार नाघेको छ भने कुल मृतक संख्या १ लाख २० हजार नाघेको छ ।

पछिल्लो समय युरोपेली मुलुक फ्रान्समा संक्रमण तीव्र गतिमा बढ्दै छ । त्यहाँ बुधबार एकै दिन ३६ हजार ४३७ जनामा संक्रमण पुष्टि भएको छ भने २४४ जनाले ज्यान गुमाएका छन् । उता ब्राजिलमा पनि बुधबार २८ हजार ८५२ जना संक्रमित थपिएका छन् भने ४८७ जनाले ज्यान गुमाएका छन् ।

पछिल्लो समय चिसो मौसम लागेसँगै युरोपेली देशहरु इटाली, बेलायत, स्पेन, पोल्यान्ड आदिमा दैनिक संक्रमणका केसहरु पनि उकालो लाग्दै गएका छन् ।

प्रतिक्रिया दिनुहोस्

संबन्धित समाचार

कास्की, २० मंसिर । पोखरामा तीन जना कोरोना संक्रमितको मृत्यु भएको छ । गण्डकी प्रदेश कोरोना नियन्त्रण तथा रोकथाम कार्यक्रमका

बागलुङ, २० मंसिर । सार्वजनिक सवारीले बढी भाडा असुलेको गुनासो बढेपछि जिल्ला यातायात व्यवस्थापन समितिले अनुगमनमा कडाइ गर्न थालेको छ

कञ्चनपुर, २० मंसिर । कञ्चनपुरमा एचआइभी एड्सका बिरामीको सङ्ख्या बढ्दै गएको छ । यहाँ खासगरी भारतका विभिन्न ठाउँबाट फर्किनेमा यसको

काठमाडौँ, २० मंसिर । कोरोना सङ्क्रमितलाई इलाम नगरपालिका–७ ले निःशुल्क रोग प्रतिरोधात्मक औषधि वितरण गर्ने भएको छ । होम आइसोलेसन