काठमाडौँ, ९ असोज । नायीका साम्राज्ञी राज्यलक्ष्मी शाहको हातमा तीन वटा फिल्म परेको छ । एकपछि अर्काे फिल्म उनको हातमा परिरहेको छ ।
उनको हातमा रहेको फिल्ममा निर्देशक हेमराज विसीको ‘एक’, ‘रेड वाइन’ र ‘हुतुतु’ हुन् । ‘एक’ मा अभिनेता प्रदीप खड्कासँग अपोजिट रहने यो फिल्म कोरोनाको कहर सकिने बित्तिकै छायाँकनमा निस्कने तयारीमा छ ।
त्यस्तै ‘रेड वाइन’ भने उनले गत मङ्गलबार साइन गरेकी हुन् । रमेश एमके पौडेलको निर्देशन रहने फिल्ममा उनी अभिनेता पल शाहको जोडीको रुपमा देखिनेछिन् । आशुसेन फिल्मस्को नयाँ फिल्म ‘हुतुतु’मा पनि रहने चर्चा छ । यो विषयमा आधिकारीक धारण निर्माण युनिटले सार्वजनिक गरेको छैन । न त साम्राज्ञीले यस विषयमा मुख खोलीका छिन् । तर, बाहिर भने ‘हुतुतु’ उनी देखिने पक्कपक्की भएको चर्चा छ । यदी ‘हुतुतु’का लागि पनि उनी फाइनल भएकी भए अहिले उनको हातमा तीन फिल्म छन् ।