महाँकाल गाउँपालिकाद्वारा बाढी पहिरोबाट सतर्क रहन आग्रह

ललितपुर, ८ असोज । महाँकाल गाउँपालिकाले गत ५ गतेदेखि परेको अबिरल वर्षाका कारण पालिका क्षेत्रभित्र पहिरोको जोखिम बढेकाले सतर्कता अपनाउन सबैमा आग्रह गरेको छ । संकट आइपरेमा सम्बन्धित वडाका जनप्रतिनिधि, प्रहरी चौकी र गाउँ कार्यपालिकामा सूचना दिन गाउँपालिकाले सरोकारवाला सबैलाई आग्रह गरेको हो । बिहिवार महाँकाल गाउँपालिकाले प्रेस विज्ञप्ति जारी गर्दै संभावित जोखिमबाट बच्च र जानकारी सम्बन्धित निकायमा दिन अनुरोध गरेको हो ।

घर, गोठ तथा धनजनको क्षति कम गर्ने उपाय तत्काल अबलम्बन गर्नका लागि गाउँपालिका अन्तर्गत संघ, प्रदेश र स्थानीय तहका विषयगत शाखाहरु, स्थानीय तहमा भएका क्लब, संघ, संस्था, राजनीतिक दल, शिक्षक, कर्मचारी र नागरिक समाजलाई विपतबाट उत्पन्न हुने जोखिम न्यूनिकरणका लागि आआफ्नो क्षेत्रबाट सहयोग गर्न गाउँपालिकाले जारी गरेको विज्ञप्तिमा उल्लेख गरिएको छ । गाउँपालिका भित्रका कतिपय स्थानमा पहिरोले गर्दा विद्युत र टेलिफोन समेत अबद्धरु भएको हुँदा सूचना सम्प्रेषणमा असहजता भएको छ ।

यस वर्षको मनसुन अझै केही दिन चल्ने भएकाले भिरालो र खोला किनारका वस्तीका स्थानीयहरुलाई उच्च सतर्कता अपनाउन गाउँपालिका अध्यक्ष रामचन्द्र दाहालले विज्ञप्तिमार्फत जानकारी गराउनुभएको छ । साथै वडामा भएका क्षतिको विवरण यथाशक्य छिटो गाउँपालिकामा गराई विपत व्यवस्थापन न्यूनिकरण कार्यमा सहयोग गर्न गाउँपालिकाले सबैमा आग्रह गरेको छ ।

प्रतिक्रिया दिनुहोस्

संबन्धित समाचार

सुर्खेत, ४ असोज । कस्तुरीको बिनासहित दुई जनालाई प्रहरीले पक्राउ गरेको छ । वीरेन्द्रनगर नगरपालिका, १२ बाट दैलेख महावु गाउँपालिका

काभ्रे, ४ असोज । यहाँका चार स्थानीय तह कोरोना सङ्क्रमणमुक्त भएका छन् । एक नगर र तीन गाउँपालिका कोरोना सङ्क्रमणमुक्त

काठमाडौँ, ४ असोज । स्वास्थ्य तथा जनसङ्ख्या मन्त्रालयले सोमबारदेखि निरन्तर ११ दिनसम्म कोरोनाविरुद्धको खोप भेरोसेलको पहिलो मात्रा लगाउने भएको छ

काठमाडौँ, ४ असोज । आज बिहान सुदूरपश्चिम प्रदेश तथा बाँकी प्रदेशका पहाडी भू–भागमा आंशिकदेखि सामान्य बदली रहेको जल तथा मौसम

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021