एजेन्सी, ८ असाेज । विश्वमा कोरोना संक्रमितको संख्या ३ करोड नाघेको छ ।
विभिन्न तथ्याङ्क निकाल्ने संस्था वर्ल्डो मिटर्स डट इन्फोका अनुसार कोरोना संक्रमितको संख्या ३ करोड ८३ हजार ५ सय ९५ पुगेको छ । कोरोना संक्रमणबाट मृत्यु हुनेको संख्या भने ९ लाख ८१ हजार २ सय ४४ पुगेको छ ।
मृत्यु दर र सङ्क्रमित दर बढिरहेसँगै निकाे हुने दर पनि बढिरहेकाे छ । अहिलेसम्म कुल सङ्क्रमितमध्ये २ कराेड ३६ लाख ६७ हजार ४ सय २५ जना भने उपचारपछि घर फर्किएका छन् ।
पछिल्लाे २४ घण्टामा मात्रै विश्वभर ३ लाख १३ हजार ५ सय २४ नयाँ संक्रमित भेटिएका छन् भने ६ हजार २ सय ८९ जनाकाे मृत्यु भएकाे छ । त्यस्तै पछिल्लाे २४ घण्टामा २ लाख ७८ हजार उपचारपछि घर फर्किएका छन् ।