कञ्चनपुर, ६ असोज । विप्लव समुह कञ्चनपुरका उपद्रोप अपराधिक मुद्दा लागेका ८ जना नेकपा विप्लव कञ्चनपुरका नेता कार्यकर्ताले सफाई पाएका छन् । उनीहरुलाई घटनामा संलग्न नभएको भन्दै निर्दोष ठहर गरेको हो ।
१८ जना नेता कार्यकर्ताविरुद्ध दायर भएको उपद्रोप अपराधिक मुद्दाको फैसला भएको छ । झण्डै १८ महिनापछि जिल्ला आदालत कञ्चनपुरले उपद्रोप अपराधिक मुद्दाको फैसला गरेको हो । जिल्ला आदालतका न्यायाधीश शिवलाल पाण्डेयको एकल इजलासले सोमबार गरेको फैसलाबाट ८ जनाले सफाई पाएका हुन् । अदालत कञ्चनपुरका श्रेस्तेदार यदुनाथ शर्माका अनुसार सफाई पाउनेमा लक्ष्मण बडूवाल, रामदत्त भट्ट, रघुवीर जोशी, मान बहादुर विष्ट, देविदत्त पाण्डेय, भुवन कुँवर, प्रकाश जप्रेल र बन्धन चौधरीले सफाई पाएका हुन् । त्यस्तै, बाँकी १० जनाको हकमा भने आदालतले मुतबीमा राखेको छ ।
अज्ञात समूहले ०७५ फागुन/चैततिर कृष्णपुर, बेदकोट र शुक्लफाँटा नगरपालिका क्षेत्रमा एक एनसेलको टावर, स्काभेटर र क्रसर उद्योगको स्काभेटर आगजनी गरेको आरोपमा नेकपा विप्लवका नेता कार्यकर्तामाथि मुद्दा लगाइएको थियो ।