अब दोहा, कुवेत र रियादमा पनि नियमित उडान हुने

काठमाडौँ, ६ असोज । दोहा, कुवेत र रियादमा पनि नियमित अक्टुबर १ देखि नियमित हवाई उडान हुने भएको छ ।

संस्कृति, पर्यटन तथा नागरिक उड्डयन मन्त्रालयका सचिव केदारबहादुर अधिकारीले दोहा, कुवेत र रियादमा नियमित उडान हुने जानकारी दिएका हुन् । हाल यी मुलुकमा चार्टर उडान मात्रै हुँदै आएको छ ।

नागरिक उड्डयन प्राधिकरणले अक्टुबर १ देखि २४ तारिखसम्मका लागि नियमित उडान तालिका सार्वजनिक गरेको छ ।  उक्त उडान तालिकामा दोहा, रियाद, कुवेत पनि समेटिएको छ । दोहामा नेपाल एयरलाइन्स र हिमालय एयरलाइन्सले उडान गर्ने छन् । यस्तै रियाद हिमालय एयरलाइन्सले नियमित उडान गर्नेछ । प्राधिकरणले अक्टुबर २४ तारिखसम्मका लागि सार्वजनिक गरेको तालिकाअनुसार १ सय ९ वटा नियमित उडान हुनेछन् ।

एयर अरेबिया (सातामा ७ उडान), एयर चाइना (१), क्याथे ड्रागन (१), चाइना साउर्थन (१), फ्लाइ दुबई (७) को उडान तालिका स्वीकृत भएको छ । यसैगरी हिमालय एयरलाइन्सले सातामा ७ उडानसहित अक्टुबर २४ सम्म २९ वटा उडान गर्नेछ भने नेपाल एयरलाइन्सले २५ वटा उडान गर्नेछ । जजिरा एयरलाइन्स (७), कोरियन एयर (४), मलेसिया एयरलाइन्स (५), मालिन्डो एयर (७), कतार एयरवेज (७), सलाम एयर (५) र टर्किस् एयरलाइन्सले ३ उडान गर्नेछन् ।

सरकारले सेप्टेबर महिनाका लागि माल्दिभ्स, साउदी अरब, ओमान, कुवेत र कतारमा चार्टर्ड उडान तोकेको छ । मलेसिया, टर्की, दक्षिण कोरिया, जापान, चीन, हङकङ, यूएइबाट भने सेप्टेम्बर एक देखि नियमित उडान हुँदै आएको छ । अक्टुबर महिनामा नेपाल एयरलाइन्सले हङकङ, दोहा, क्वालालम्पुर, दुबई, नारिता, ग्वान्जाओ नियमित उडान गर्ने छ भने हिमालय एयरलाइन्सले दोहा, दमाम, आबुधावी, रियाद, क्लालालम्पुर, चोङछिङ नियमित उडान गर्नेछ । 

प्रतिक्रिया दिनुहोस्

संबन्धित समाचार

काठमाडौँ, ४ असोज । आजदेखि नयाँ नोट साट्न पाइने भएको छ । दशैंलाई लक्षित गर्दै बैंक तथा वित्तीय संस्थाले आजदेखि

काठमाडौँ, ४ असोज । चाडपर्व नजिकिँदै गर्दा ब्रोइलर कुखुराको मासुको मूल्य घटेको छ । निषेधाज्ञा खुलेर बजारमा मासुको खपत बढेसँगै

काठमाडौँ, ४ असोज । बाढी पहिरोबाट क्षतिग्रस्त मेलम्ची खानेपानी आयोजनाको पुनर्निर्माणको कामलाई तत्काल अगाडि बढाउन सरकारले एक अर्ब रुपियाँ उपलब्ध गराएको

काठमाडौँ, ३ असोज । आज सुनको मूल्य स्थिर रहेको छ भने चाँदीको मूल्य घटेको छ । नेपाल सुनचाँदी महासंघका अनुसार

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021