पाँचथरका २ स्थानमा बीओपी स्थापना: सिमावर्ती २२ स्थानमा यसै वर्षमा राखिने

पाँचथर, २० भदौ । सशस्त्र प्रहरीले भारतसँग सिमाना जोडिएका पाँचथरका दुई स्थानमा बोर्डर आउट पोष्ट (बीओपी) स्थापना गरेको छ ।

याङवरक गाउँपालिकाको चिवाभञ्ज्याङ र फालेलुङ गाउँपालिकाको सुर्केथाममा स्थापना गरिएको हो । चिवाभञ्ज्याङ बीओपीको बिहीबार प्रदेश सांसद सिता थेवे र सशस्त्र प्रहरी बल १ नं प्रदेश प्रमुख (डिआईजी) बंशीराज दाहालले संयुक्त रुपमा उद्घाटन गर्नुभयो । शुक्रबार सुर्केथामको उद्घाटन गर्ने कार्यक्रम भएपनि मौषमका कारण स्थगित भएको छ ।

सशस्त्र प्रहरी बल पाँचथरका डीएसपी किशोरकुमार श्रेष्ठका अनुसार दुवै स्थानमा प्रहरी नायव निरीक्षक (सई)को नेतृत्वमा बीओपी राखिएको छ । एउटा बीओपीमा ३५ जना हुन्छन् । चिवाभञ्ज्याङमा नेपाल(भारत सिमानादेखि करिब सय मिटर र सुर्केथाममा पनि सिमाना नजिकै राखिएको छ ।

सशस्त्र प्रहरीका प्रदेश प्रमुख दाहालले १ नं. प्रदेशमा स्वीकृत सबै ठाउँका बीओपी यसै आर्थिक वर्षमा स्थापना भइसक्ने बताए । उनका अनुसार सिमावर्ती २२ स्थापना बीओपी राखिने छ । २२ मध्ये अहिलेसम्म चिवाभञ्ज्याङ, सुर्केथाम, इलामको सूर्योदय नगरपालिकास्थित समालबुङ र रोङ गाउँपालिकाको सलकपुरमा बीओपी स्थापना भइसकेको छ ।

प्रतिक्रिया दिनुहोस्

संबन्धित समाचार

काठमाडौँ, १५ असोज । शिवपुरी गाउँपालिका आफैंले ८ बेडको आइसोलेशन कक्ष निर्माण गरेको छ । कोभिड १९ का बिरामी राख्नका

काठमाडौँ, १५ असोज । कोरोना कहरको मौका छोपेर राजधानीमा कालोबजारी बढ्न थालेपछि काठमाडौं महानगरपालिकाले अनुगमनलाई तीव्रता दिएको छ । लगातार अनुगमन

काठमाडौँ, १५ असोज । निर्वाचन आयोगले आयोगमा नयाँ दल दर्ता गर्न संविधानअनुसार दलको संघीय संरचना अनिवार्य गरेको छ । आयोगले संविधानमा

काठमाडौँ, १४ असोज । उपप्रधानमन्त्री तथा रक्षामन्त्री इश्वर पोखरेल तथा नेपालका लागि संयुक्त अरब इमिरेट्सका राजदूत Saeed Hamdan Al-Naqbi ले