सरकार नागरिकको स्वास्थ्यप्रति गम्भीर छ : मुख्यमन्त्री पौडेल

हेटौँडा, २० भदौ । वाग्मती  प्रदेशका मुख्यमन्त्री डोरमणि पौडेलले सरकार नागरिकको स्वास्थ्यप्रति गम्भीर र चिन्तित रहेकाले सोही मर्मअनुसार काम भइरहेको बताएका छन् । मदन भण्डारी स्वास्थ्य विज्ञान प्रतिष्ठान, हेटौँडा अस्पतालअन्तर्गत कोरोना सङ्क्रमितहरुको उपचारका लागि सञ्चालित आइसोलेसन वार्डको अनुगमनपछि आज रासससँग कुरा गर्दै मुख्यमन्त्री पौडेलले आइसोलेसन वार्डको व्यवस्थापनको काम अत्यन्तै छोटो समयमा गर्नुपरेकाले शुरुका दिनमा सेवा प्रवाहमा केही कमजोरीहरु देखिएका हुनसक्ने भए पनि हाल सेवा प्रवाह चुस्त पाइएको उल्लेख गरे ।  

मुख्यमन्त्री पौडेलले वार्ड स्थापना र सञ्चालनमा सक्रिय भूमिका निर्वाह गर्ने सम्पूर्णलाई धन्यवाद ज्ञापनसमेत गरे । उनले वाग्मती प्रदेश सरकार कोरोना सङ्क्रमण रोकथाम र नियन्त्रणमा निरन्तर लागिरहेको उल्लेख गरे । मुख्यमन्त्रीले प्रदेश सरकारले पछिल्लो अवस्थामा कारोना भाइरसको महामारी व्यापक बन्दै गइरहेको अवस्थालाई दृष्टिगत गरी प्रदेशसभामा प्रत्यक्ष निर्वाचित प्रदेशसभा सदस्यको नेतृत्वमा समिति गठन गर्ने निर्णय गरेको जानकारी दिए । 

मुख्यमन्त्री पौडेलले जनताको सबैभन्दा महत्वपूर्ण र पहिलो आवश्यकता सहजरुपमा स्वास्थ्योपचार गर्न पाउनु रहेकाले अस्पताल नभएका स्थानमा अस्पताल स्थापना गर्ने र भएका स्थानहरुमा सेवा थप गर्ने कामलाई तीव्र पारेको बताए । मदन भण्डारी स्वास्थ्य विज्ञान प्रतिष्ठान गठनको उद्देश्य प्रदेशका जनतालाई गुणस्तरीय स्वास्थ्य सेवा प्रवाह गर्नु रहेको उनको भनाइ थियो । 

मुख्यमन्त्री पौडेलले प्रदेशका विभिन्न अस्पताललाई सेवा सुविधा वृद्धि गर्दै प्रदेशस्तरको अस्पतालका रुपमा स्तरोन्नति गर्न लागिएको जानकारी दिए । प्रदेशले दोलखाको चरीकोट अस्पताल, काभ्रेपलाञ्चोकको मेथिनकोट अस्पताल, ललितपुरको बज्रबाराही चापागाउँ अस्पताल,  चितवनको बकुलर रत्ननगर अस्पताल र काठमाडौं टोखा चण्डेश्वरी प्राथमिक स्वास्थ्य केन्द्रलाई प्रदेशस्तरीय अस्पतालका रुपमा स्तरोन्नति गर्ने निर्णय भएको पौडेलले जानकारी दिए । रासस 

प्रतिक्रिया दिनुहोस्

संबन्धित समाचार

काठमाडौँ, ३ बैशाख । नेकपा एमाले बागमती प्रदेशको संसदीय दलले संसदीय बोर्ड गठन गरेको छ । संसदीय दलका नेता तथा प्रदेशका

काठमाडौँ, ३ बैशाख । जनता समाजवादी पार्टी (जसपा) का अध्यक्ष महन्थ ठाकुरले आफूहरूले केपी ओली नेतृत्व सरकारको विरोध गर्नुपर्ने कारण

shankar-pokharel

काठमाडौँ, ३ बैशाख । लुम्बिनी प्रदेश सरकार परिवर्तनका लागि एमालेइतरका राजनीतिक दलहरू अविश्वास प्रस्तावको कसरतमा जुटेका छन् । वर्तमान मुख्यमन्त्री

काठमाडौँ, ३ बैशाख । नेपाल विद्युत् प्राधिकरणले अब भारतको खुल्ला बजार अर्थात् विद्युत् एक्सचेन्ज मार्केटबाट विद्युत् किन्न पाउने भएको छ । 

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021