काठमाडौँ, १३ भदौ । प्रधानमन्त्री केपी शर्मा ओलीले आफु र पार्टीका अर्का अध्यक्ष पुष्प कमल दाहाल प्रचण्डबीचको असमझदारी अन्त्य भएको बताउनुभएको छ ।
प्राईम टिभीमा अन्तरवार्ता दिँदै उहाँले पार्टी भित्र केही समय अघि विवाद रहेको तर अहिले समस्या समाधान भई एकतावद्ध रुपमा अघि बढेको बताउनुभयो । पार्टीको महाधिवेशन गर्नेपर्नेमा जोड दिँदै उहाँले आफु र प्रचण्डबीच कतिपय समस्याहरु आएको तर हाल उक्त विवाद समाधान भइसकेको बताउनुभयो ।
विगतमा केही व्यक्तिहरुले जग हराईका कामहरु भएको प्रति संकेत गर्दै उहाँले आगामी दिनमा पार्टीभित्र दोषी करार गर्ने भन्दा पनि समिक्षा गर्दै जानुपर्नेमा जोड दिनुभयो । महाधिवेशनले पार्टी भित्रको समस्या समाधान गर्ने तथा पार्टीको संरचना, उपयुक्त पात्र छनौट तथा विधि विधान, सिद्धान्तको निर्माण गर्ने बताउनुभयो ।