काठमाडौँ, १२ भाद्र । क्षत्री समाज नेपालले केही दिन अघि नेपालको राष्ट्रिय झण्डा जलाउनु तथा खस क्षत्री र बाहुनहरुमाथि धावा बोलिनु विदेशीको इशारा र लगानीमा भएको ठहर गरेको छ ।
क्षत्री समाज नेपालले एक विज्ञप्ती प्रकाशित गरेर ‘मंगोल नेशनल अर्गनाइजेशन’ ले खस क्षत्री र बाहुन समुदायमाथि गाली गलौज गर्दै नेपालको राष्ट्रिय झण्डा जलाउने दुस्साहस गरेकोमा त्यसको घोर भत्र्सना गरेको छ ।
समाजका केन्द्रीय अध्यक्ष प्रा.डा.दिल बहादुर क्षत्री र महासचिव केश बहादुर केसीद्वारा हस्ताक्षरित उक्त विज्ञप्तीमा जातीय र साम्प्रदायीक सद्भाव भड्काउने जोकोहीलाई पनि कडा भन्दा कडा कारवाही गर्न सरकारसंग जोडदार माग गरेको छ ।
दोषिमाथि कडा कारवाही नगरिएमा क्षत्री समाजले राजधानीमा मात्रै नभई मुलुकभरी आन्दोलनको आँधिवेहरी ल्याउने क्षत्री समाज काठमाडौं जिल्ला अध्यक्ष एवम् काव्य स्कुलका संस्थापक निर्देशक रिजन खड्काले बताए । ‘राष्ट्रिय एकता कायम गर्न र जातिय सद्भाव कायम गर्न क्षत्री समाज सदैव एकजुट छ’-अध्यक्ष खड्काले भने ।
विज्ञप्ती