पत्रकार बलराम प्यासीको सातौं गीत ‘कोरोना र लकडाउन’…

काठमाडौँ, १४ साउन । २०७२ सालको राष्ट्रिय वाल दिवसको अवसरमा पहिलोपटक वालगीत लेखेर गायनतर्फ पहिलो पुरस्कार जित्न सफल वरिष्ठ पत्रकार बलराम प्यासी अनायासै गीतकार बन्न पुगे । नेपालभरीका ३६ प्रतिष्पर्धिलाई उछिनेर उनले लेखेको गीत गाएर ८ वर्षिया वालगायीका समृद्धि परियार पहिलो भएर नगद १५ हजार जितिन् ।

त्यसपछि पत्रकारबाट गीतकारको पहिचान बनाउने उनको पाइला अघि बढ्न थाल्यो । ५ वर्षको अन्तरालमा उनले लेखेका ७ वटा गीतमध्ये ५ वटा गीत अहिले स्रोताहरुले सुन्दै आएका छन् भने तस्वीरसहतिको केही भिडियो हेर्दै पनि आएका छन् ।

विश्वव्यापी महामारी कोरोना (कोभिड १९) गत चैतमा नेपालमा भित्रिएपछि सरकारले ११ चैतदेखि नेपालभर वन्दावन्दी अर्थात लकडाउन लगायो । एक त कोरोनाको त्रास त्यसमाथि घरवाहिर निस्किन नमिल्ने गरि गरिएको लकडाउनले गर्दा सर्वसाधारणको दैनिकी डामाडोल भयो । कतिको जागीर गयो, कतिको कमाई । घर भित्र बसेर खाएर मात्र बस्दा शुन्य कमाई खर्च धेरै भएर घर चलाउन गाह्रो मात्रै भएन, बाहिर निस्किँदा कोरोनाको त्रासले सबैलाई सताईरह्यो । ४ महिना लामो लकडाउन खुलेर जनजीवन केही सहज भएतापनि कोरोनाको डर भने अहिलेसम्म ज्यूँका त्यूँ छ । धेरैको कमाई शुरु भइसकेको छैन ।

यसै सन्दर्भ पारेर वरिष्ठ पत्रकार एवम् गीतकार बलराम प्यासीले नयाँ गीत लेखे । यो उनको सातौं गीत हो ।

कोरोनाको कारण लकडाउन भोग्नु पर्यो, यी दुइको कारणले जनजीवनमा परेको असर बारे गीतकार बलराम प्यासी द्द्वारा लेखिएको गीतलाई प्रस्तुत गर्दैछु -म lशब्द: बलराम प्यासी,संगीत / स्वर: बालन्द राई एरेन्ज: याकूब राई l

Posted by बालन्द राई on Wednesday, 29 July 2020

किनमेल गर्न गएको बजार
पर्स खोल्दा त भेटिन हजार
पैसा पुगेन माया, पैसा पुगेन
लकडाउनले गर्दाखेरी कमाई भएन
महंगी नि’ बढेपछि घरै चलेन ।

कोरोना आउनु अघिसम्म राम्रैथ्यो
लकडाउनले गर्दाखेरी डामाडोल भो
कमाई पनि गयो माया, जागीर पनि गो
शुन्य कमाई, खर्च धेरै, घर चलाउन निक्कै गाहे भो …..

वरिष्ठ संगीतकार वालन्द राईद्वारा संगीतवद्व एवम् स्वर दिइएको लोक भाकाको उक्त आधुनिक गीत याकुव राईले संगीत संयोजन गरेका हुन भने पुल्चोकस्थित संगीत सागर स्टुडियोमा रेकर्ड गरिएको हो ।

यसअघि वरिष्ठ संगीतकार वालन्द राईकै संगीत तथा वरिष्ठ संगीत संयोजक सचिन सिंहको संगीत संयोजनमा वालन्द राई र पार्वती राईको स्वरमा गीतकार प्यासीले रचना गरेको कृषि गीत ‘म त हिँडे मेला र पर्ममा, धानै रोप्न असारै महिनामा रेकर्ड भएर रेडियो नेपालको कृषि कार्यक्रम र रेडियो कान्तिपुरमा बज्दै आएको छ ।

यसैगरि वालन्द राईकै संगीतमा वरिष्ठ संगीत संयोजक सचिन सिंहको संगित संयोजनमा वालन्द राई र सचिन सिंहको स्वरमा प्यासीले आफु केटाकेटी छँदा देखेका र खेलेका कुराहरु सम्झेर रचना गरेको गीत ‘कता गयो खोपीखेल, कता गयो गुच्चा, यो दुनियाँ स्वार्थी भयो, मान्छे भए छुच्चा’ रेकर्ड र्भर रेडियो नेपालमा बज्न थालेको एकवर्ष भईसकेको छ ।

यसको अलावा पत्रकार प्यासीले रचना गरेको र गोपाल अधिकारीको संगीत रहेको ‘साँची म मर्दा को को रोलान’ वियोगान्त गीत चर्चित गायक रामकृष्ण ढकालले गाएका थिए । सामुदायीक प्रहरीबारे लेखेको गीत र ‘निदाउने आधार तिमी हौ प्रिय’ वोलको गीत रेकर्डिङ्गको प्रकृयामा रहेको गीतकार एवम् वष्ठि पत्रकार प्यासीले बताए ।

कृषक, समाजसेवी र पत्रकारपछि गीतकारको रुपमा प्यासीले समाजमा आफ्नो छवि कायम गर्न सफल भएका छन् ।

प्रतिक्रिया दिनुहोस्

संबन्धित समाचार

काठमाडौँ, २६ साउन । थप ३३८ जनामा कोरोना भाइरस संक्रमण पुष्टि भएको छ । मन्त्रालयका अनुसार आज सबैभन्दा धेरै बाँकेमा

काठमाडौँ, २६ साउन । नेपाल पञ्चाङ्ग निर्णायक समितिले यस वर्षको इन्द्रजात्राको साइत सार्वजनिक गरेको छ । जात्राको लिङ्गो काट्न वन

काठमाडौँ, २६ साउन । खुद्रा पसलमा २० रुपैयाँभन्दा बढीमा बिक्री वितरण भइरहेको बोतलको प्रशोधित पानीको मूल्य अब १६ रुपैयाँ मात्र

काठमाडौँ, २६ साउन । पुतली सडकको शंकरदेव क्याम्पस अगाडि एक घरमा आगलागी भएको छ । घरमा रहेको एक कार्यालयबाट आगो