एजेन्सी, २२ असार । स्पेनिस ला लिगा फुटबलमा बार्सिलोनाले सानदार जित निकालेको छ । गएराति भिल्लारियलको घरेलु मैदानमा भएको खेलमा बार्सिलोनाले ४-१ गोलको फराकिलो जित निकालेको हो ।
पाहुना टोलि बार्सिलोनाको जितका लागि लुइस सुआरेज, एन्टोनी ग्रीजमन र अन्सु फातीले एक एक गोल गरेका थिए । एक गोल आत्मघाती उपहार पाएको थियो । भिल्लारियलका लागि जेरार्ड मोरेनोले एक गोल फर्काएका थिए ।
जितसँगै बार्सिलोनाले शिर्ष स्थानमा रहेको रियल म्याड्रिडसँग अंक दूरी चारमा घटाएको छ । ३४ खेलपछि बार्सिलोनाको ७३ अंक भएको छ भने शिर्ष स्थानमा रहेको रियलको समान खेलमा ७७ अंक रहेको छ । पराजित भिल्लरियल ५४ औं सहित पाँचौ स्थानमा छ ।
