एजेन्सी, ११ असार । इंग्लिस प्रिमियर लिगको शीर्षस्थानमा रहेको लिभरपुलले क्रिस्टल प्यालेसमाथि शानदार जित निकालेको छ ।
गएराती घरेलु मैदान एनफिल्डमा भएको खेलमा लिभरपुलले प्यालेसमाथी ४-० गोलको फराकिलो जित निकालेको हो । घरेलु मैदान लिभरपुललाई शानदार जित दिलाउनका लागि ट्रेन्ट एलेक्जान्दर अर्नोल्ड, मोहम्मद सलाह, फाबिन्हो र साडिओ मानेले एक एक गोल गरे ।
यस जितसँगै लिभरपुल उपाधी नजिक पुगेको छ । अब लिगको उपाधिका लागि मात्र एक खेल टाढा रहेको लिभरपुलले अर्को खेल बराबरी खेले मात्र च्याम्पियन बन्ने छ ।