काठमाडौँ, ४ असार । गृह मन्त्रायलको सर्ट म्यासेज सर्भिस (एसएमएस) सेवामा अनधिकृत व्यक्तिले पुहँच पुर्याएका छन् ।
मन्त्रालयका एक अधिकारीका अनुसार बुधबार गृहको एसएमएस सेवाबाट अनधिकृत रुपमा भारत–चीन सीमा विवादबारे एसएमएस प्रवाह भएको हो । उक्त एसएमएस मन्त्रालयका सबै कर्मचारीलाई गएको थियो ।
मन्त्रालयका सह–सचिव एवं प्रवक्ता केदारनाथ शर्माले बुधबार दिउँसो करिब दुई बजे मन्त्रालयको एसएमएस प्रणालीमा ह्याकरले अनधिकृत रुपमा पहुँच पुर्याएको बताए । उनले गलत र भ्रामक एसएमएस मन्त्रालयबाट सम्प्रेषण नभएका पनि स्पष्ट पारे ।
स्रोतका अनुसार अहिले प्रकरणमा प्रहरीको साइबर ब्युुरोले अनुसन्धान गरिरहेको छ ।