काठमाडौँ, १ असार । जनता समाजवादी पार्टी (जसपा)ले सांसद सरिता गिरीलाई पार्टी र सांसद दुबै पदबाट हटाउने भएको छ ।
नेपालको गुमेको भूमि लिम्पियाधुरा, लिपुलेक तथा कालापानीसहित समेटेर सरकारले ल्याएको नक्सासम्बन्धी संविधान संशोधन प्रस्तावको विरुद्धमा उभिएकी गिरीलाई पार्टीको ह्विप उल्लंघन गरेका कारण हटाउन लागिएको समाजवादी पार्टी एक नेताले बताउनुभयो । गिरीले पार्टीको ह्वीप नमानेकाले स्वतः कारवाहीमा परेको ती नेताले बताउनुभएको छ । पार्टीकी नेतृ गिरी खस आर्यको कोटाबाट समानुपातिकतर्फकी सांसद हुनुहुन्छ ।
पार्टी नेताहरु उपेन्द्र यादव बिराटनगरमा र डा। बाबुराम भट्टराई गोरखामा भएकाले दुबै नेता काठमाडौँ फर्कनासाथ पार्टीको साधाराण सदस्याट समेत हटाइने र सांसद पद स्वतः निलम्वनको जानकारी संसदलाई गराइने स्रोतले बतायो ।