काठमाडौँ, २९ जेठ । संस्कृति, पर्यटन तथा नागरिक उड्यनमन्त्री योगेशकुमार भट्टराई राष्ट्रियसभामा प्रस्तुत गर्नुभएको ‘प्रतिलिपि अधिकार (पहिलो संशोधन) विधेयक, २०७६ सर्वसम्मतिले स्वीकृत भएको छ ।
आजको बैठकमा सो विधेयकमाथिको छलफलमा सांसदले उठाएका जिज्ञासाका जवाफमा संस्कृतिमन्त्री भट्टराईले कला, साहित्य र सिर्जना तथा स्रष्टाको अधिकार संरक्षण गर्ने ध्येयका साथ सरकारले तत्कालीन ‘प्रतिलिपि अधिकार ऐन’ माथि संशोधन गर्न विधेयक ल्याएको स्पष्ट गर्नुभयो ।
सांसद रामनारायण विडारी, प्रकाश पन्त, कोमल वली र वेदुराम भुसालले उक्त विधेयकमाथिको छलपलमा भाग लिनुभएको थियो ।