कोरोना जितेर घर फर्किएकालाई विशेष व्यवस्था गर्न मन्त्रालयको आग्रह

काठमाडौँ, २८ वैशाख । सरकारले कोरोना भाइरस (कोभिड–१९)लाई जितेर घर फर्किएकालाई परिवारमा नै बस्ने व्यवस्था मिलाउन आग्रह गरेको छ ।

केही ठाउँमा कोरोना सङ्क्रमणपछि निको भएर फर्किएकालाई पनि घर परिवारबाट टाढा राख्ने गरेको गुनासो आएको भन्दै स्वास्थ्य मन्त्रालयले त्यसो नगर्न आग्रह गरेको हो । स्वास्थ्य तथा जनसङ्ख्या मन्त्रालयका प्रवक्ता डाक्टर विकास देवकोटाले कोरोनालाई जितेर घर फर्किएकाले भाइरस सार्छन् भन्ने भ्रममा नबस्न आग्रह गर्नुभयो । उहाँले भाइरसलाई जितेर फर्किएकाको शरीरमा कुनै सङ्क्रमण सार्ने भाइरस नहुने र उनीहरु सामान्य जीवनयापनमा फर्किसकेकाले परिवारमा नै बस्ने वातावरण बनाउन सहयोग गरिदिन अनुरोध गर्नुभयो ।

कोरोना भाइरसको भय र त्रासका कारण समाजमा हल्ला र मिथ्या फैलिएकाले त्यस्तो हल्लाकोपछि लागेर विभेद नगर्न स्वास्थ्य मन्त्रालयले आग्रह गरेको हो । यस्तै मन्त्रालयले कोरोनाको जोखिमलाई मध्यनजर गर्दै बनाइएका क्वरेण्टीनलाई बालमैत्री बनाउन पनि आग्रह गरेको छ ।

नेपालमा हालसम्म ११० जना संक्रमित भएका छन् भने सङ्क्रमितमध्ये ३१ उपचारपछि निको भएर घर फर्किएका छन् ।

प्रतिक्रिया दिनुहोस्

संबन्धित समाचार

काठमाडौँ, ३ माघ । नेपाली कांग्रेसका प्रवक्ता विश्वप्रकाश शर्माले नेपाल कम्युनष्टि पार्टी (नेकपा)का अध्यक्ष पुष्पकमल दाहाल प्रचण्ड तथा माधवकुमार नेपाल

मोरङ, ३ माघ । नेपाली कांग्रेसका केन्द्रीय सदस्य डा. शेखर कोइरालाले संसद् विघटन सम्बन्धमा सर्वोच्च अदालतले दिने निर्णय आफ्नो पार्टीलाई

काठमाडौँ, ३ माघ । नेपाल कम्युनिस्ट पार्टी (नेकपा) का स्थायी कमिटी सदस्य सुवास नेम्वाङले प्रधानमन्त्री केपी शर्मा ओलीलाई किन अवरोध गरेको

काठमाडौँ, ३ माघ । सहरी विकास मन्त्री प्रभु साहले देशलाई पुष्पकमल दाहाल प्रचण्डमुक्त नगरीए ठुलो दुर्भाग्य हुने बताएका छन् ।