सांसद वस्नेतद्वारा भारतीय गतिविधि विरुद्ध कडा आपत्ती: नेपालको एक इन्च भुमी पनि नछोड्ने उद्घोष

काठमाडौँ, २७ वैशाख । सत्तारुढ दल नेपाल कम्युनिष्ट पार्टी (नेकपा)का केन्द्रीय सदस्य, पूर्वमन्त्री तथा प्रतिनिधिसभाका सांसद महेश बस्नेतले छिमेकी देश भारतले नेपाली भुमी लिपुलेक, कालापानी हुँदै मानसरोवर पुग्ने सडक नेपालको विना स्वीकृति खोलेको भन्दै कडा रुपमा आपत्ती जनाउनुभएको छ ।

हिजो नेपाली भूमि अतिक्रमण गर्दै भारतले मानसरोवरको बाटो खोलेको छ । भारतीय रक्षा मन्त्रालयले विज्ञप्ति जारी गर्दै भनेको छ, ‘उत्तराखण्डको बोर्डर रोड अर्गनाइजेसन (बीआरओ)ले कैलाश मानसरोवर रुटलाई चीनको बोर्डरसम्म जोडेको छ । कोभिड-१९ को महामारी सामना गर्दै बीआरओले १७ हजार ६० फिट उचाइमा रहेको कैलाश मानसरोवरमा बाटो विस्तार गरेको हो ।’

सो कार्यको कडा रूपमा आलोचना भईरहेको समयमा विर गोर्खालीको मुलुक नेपालमा भारतले पटक पटक सीमा अतिक्रमण गरी ज्यादती प्रस्तुत गरेको उल्लेख गर्दै सांसद बस्नेतले भारतीय गतिविधि विरुद्ध नेपालीले कहिले पनि शिरु नझुकाउने समेत चेतावनी दिनुभएको छ । विगत केही समय अघि समेत नेपालको लिपुलेक, कालापानी तथा लिम्पियाधुरा आफ्नो भूमि भएको भनि नयाँ राजनीतिक नक्सा जारी गरेको थियो । त्यसको समेत व्यापक विरोध भइरको साथै कुटनीतिक पहलका माध्यमबाट दुवै देशले वार्ता गरी समाधान गर्नुपर्नेमा पुनः अर्को वितण्डा मच्चाउने कार्य गरेकोमा घोर आपत्ती जनाउनुभयो ।

आफ्नो एक इन्च भूमि पनि नछोड्ने र अरुको एक इन्च भूमि पनि नलिने उद्घोषका साथ सांसद वस्नेतले उचित पहल गरी उपलब्धीमूलक वार्ताको माध्यमबाट तत्काल समस्या समाधान गर्न नेपाल सरकारलाई आग्रह समेत गर्नुभयो । उहाँले ठूलो अन्दोलन हुनु पहिल्यै समस्या समाधान हुनुपर्नेमा समेत जोड दिनुभएको छ ।

उहाँले भन्नुभएको छ, ‘पहिले पनि भारतले नेपालको लिपुलेक-कालापानी राखेर नयाँ राजनतिक नक्सा जारी गर्‍यो । नेपालमा व्यापक बिरोध भैरहेको अबस्थामा दुबै देशले वार्ताको माध्यमबाट समाधान गर्नु पर्नेमा, झन त्यहीँ बाटो हुँदै चीनको मानसरोबर पुग्ने बाटो खोलेछ । यसलाई नेपालले गम्भीरतापूर्वक लिनुपर्छ र कूटनीतिक माध्यमबाट सुल्झाउन पहल थालिहाल्नुपर्छ । परि आए नेपालले आफ्नो एक इन्च भूमि छाड्दैन, र अरुको एक इन्च भूमि पनि लिदैन । नेपाल सरकारले वार्ताका लागि यसअघि नै भारतसमक्ष प्रस्ताव पठाइसकेको छ । उचित पहल गरेर र उपलब्धिमुलक वार्ता होस् । ठूलो अन्दोलन हुनु पहिल्यै समस्या समाधान होस् ।’

प्रतिक्रिया दिनुहोस्

संबन्धित समाचार

काठमाडौँ, ३१ वैशाख । शुक्रबार प्रधानमन्त्री केपी शर्मा ओलीले वर्तमान सरकारले जनताको विकासप्रतिको मुर्छित सपनालाई साकार बनाउँदै विभिन्न प्रकारका आयोजनाहरु

काठमाडौँ, ३१ वैशाख । प्रधानमन्त्री केपी शर्मा ओलीले आज ४३औं प्रधानमन्त्रीको पद तथा गोपनीयताको सपथ लिनुभएको छ । त्यस्तै नवनियुक्त

काठमाडौँ, ३१ वैशाख । स्वास्थ्य उपचारका लागि विदेश जानु पर्ने र उनीहरूसँगै यात्रा गर्ने व्यक्तिको बाहेक अरूको राहदानी जारी नहुने

धनुषा, ३१ वैशाख । कोरोनाका कारण जनकपुर–जयनगर रेल सेवा प्रभावित हुने भएको छ । नेपाल रेल्वे कम्पनीका महाप्रबन्धक गुरुप्रसाद भट्टराईले नेपाल

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021