काठमाडौँ, २४ वैशाख । एभरेष्ट बैंकले आफ्नो मोबाइल बैंकिङ एप ‘ईबीएल टच २४’ मा नयाँ अद्यावधिक सुविधा थप गरेको छ ।
बैंकको मोबाइल बैंकिङ एपमार्फत् स्वयं मोबाइल बैंकिङ एक्टिभ गरी आफ्नो मोबाइल नम्बर प्रयोग गरेर सहजै लग(इन गर्न सक्नेछन् । यसबाट ५० भन्दा बढी बैंकका खातामा रकम ट्रान्सफर, बिजुली, पानीको महसुल, टीभी, इन्टरनेटको बिल भुक्तानी, मोबाइल रिचार्ज, हवाइजहाज, बस तथा सिनेमा टिकटको अनलाइन खरिद गर्न सकिन्छ ।
यसैगरी एक लाखभन्दा बढी मर्चेन्टमा क्यूआर भुक्तानी गर्न सकिने बैंकले जनाएको छ । एपमा प्रयोगकर्ताको सहजता र सुरक्षाका लागि, फिङ्गर प्रिन्ट वा फेस रेकग्निसनबाट कारोबार गर्न सकिने भएको छ ।
