काठमाडौँ, २७ चैत । फिफा बरियतामा नेपाल यथास्थानमा रहेको छ । विश्व फुटबल महासंघ (फिफा) ले बिहिबार सार्वजनिक गरेको नयाँ बरियतामा नेपाल १ सय ७० औं अर्थात् यथास्थानमा रहेको हो । नेपाल दक्षिण एसियाली राष्ट्रमा तेस्रो स्थानमा छ ।
दक्षिण एसियामा शीर्षस्थानमा रहेको भारत १ सय आठौं बरियतामा छ । दोस्रो स्थानमा रहेको माल्दिभ्स एक सय ५५ औं स्थानमा छ । यसैगरी भुटान एक ८९औं, बंगलादेश एक ८७ औं, श्रीलंका २ सय ६ र पाकिस्तान २ सय स्थानमा छन् । विश्व वरियताको शीर्षस्थानमा बेल्जियम छ । फ्रान्स दोस्रो, ब्राजिल तेस्रो, इङ्ल्यान्ड चौथो र उरुग्वे पाँचौं स्थानमा छन् ।
