काठमाडौँ, ३ चैत । आज शेयर बजार परिसूचक नेप्से ३ अंकले बढेको छ ।
शुन्य दशमलव २ छ प्रतिशतले बढेको बजारमा सोमबार करिब १ अर्ब ६१ करोड रुपैंया बराबरको कारोबार भएको छ ।
केहि समयदेखि ओरालो लागिरहेको शेयर बजार परिसूचक नेप्सेमा सोमबार भने केहि सुधार देखिएको छ । सोमबार ३ दशमलव ३ चार अंकले सुधारिदै नेप्से १ हजार ३ सय १६ दशमलव ३ नौ अंकको बिन्दुमा कायम भएको छ ।
सोमबार १ सय ८० वटा कम्पनीको करिब १ अर्ब ६१ करोड रुपैयाँको कारोबार भएको छ। होटल, उत्पादन र म्युचुअल फण्डको सूचकमा सामान्य गिरावट देखिए पनि सोमबार बाँकी सूचकमा भने सुधार देखिएको छ ।
सबैभन्दा धेरै नेपाल लाइफ इन्स्योरेन्स कम्पनीको करिब १५ करोड ४० लाख रुपैयाँ बराबरको खरिद बिक्री भएको छ । त्यस्तै एनआइसी एसियाको १२ करोड ८१ लाख रुपैयाँको कारोबार भएको हो। सोमबार सबैभन्दा धेरै सिभिल लघुवित्त वित्तीय संस्थाको ९ दशमलव ८ आठ प्रतिशतले सुधार भएको छ ।
युनिलिभरको शेयर मूल्य सोमबार १ हजार २ सय ६७ रुपैयाँले घटेको छ । कम्पनीको शेयर मूल्य २० हजार २ सय ८९ रुपैयाँमा झरेको हो। कोरोनाको विश्वव्यापी प्रभावले अन्तर्रा्ष्ट्रिय स्टक मार्केटमा पनि भारी गिरावट देखिदै आएको छ ।
