काठमाडौँ, ३ चैत । सरकारले भूकम्पपीडितका लागि दिने अनुदानसम्बन्धी समयसीमामा झनै लचकता देखाएको छ । भूकम्पपछिको पुननिर्माण प्राधिकरणले अनुदान लिने समयसीमालाई पुनः थप विस्तार गर्दैै सहजता प्रदान गरेको हो ।
भूकम्पप्रभावित लाभग्राही तथा जनप्रतिनिधिको अनुरोध र सुझावलाई आधार मानेर प्राधिकरणले निजी आवास पुननिर्माण तथा प्रबलीकरण अनुदान लिने समयसीमा थप गरेको हो ।
नयाँ समयसीमाअनुसार छुट तथा पुनः जाँच सर्वेक्षण २०७५/०७६ बाट लाभग्राही कायम भएकाहरु, प्राधिकरणबाट २०७६ चैत मसान्तसम्म सम्झौता गरी पहिलो किस्ता लिन पाउने भएका छन् । यो समाचार आजको राजधानी दैनिकमा छ ।
