भक्तपुर, १८ फागुन । नाटक विषयमा मास्टर डिग्री गरेकी नेदरल्याण्ड्सकी स्वयसेवक शिक्षिका लिमा रुडले भक्तपुर युरो किड्स सल्लाघारीका कक्षा १ देखि ३ सम्मका विद्यार्थीलाई अभ्यासबाटै नाटक र यसका विशेषताहरु सिकाउन थालेकी छिन् । उनले हरेक हप्ताको शुक्रबार ती विद्यार्थीहरुलाई नाटकबारे आवश्यक प्रशिक्षण दिईराखेकी छिन् ।
यसैगरि माथिल्लो कक्षाका विद्यार्थीलाई उनले अंग्रेजी भाषा विकासबारे पनि आवश्यक प्रशिक्षण दिइराखेको युरो किड्सका कार्यकारी अध्यक्ष नवराज काफ्लेले बताए । नाटकमा रुचि राख्ने विद्यार्थीलाई यस्तो कक्षाले निकै सहयोग पुरयाउने पनि अध्यक्ष काफ्लेले दावी गरे ।
