काठमाडौँ, १६ फागुन । नायक अनमोल केसी र नायीका सुहाना थापा स्टारर फिल्म ‘ए मेरो हजुर ४’को छायांकन सुरु भएको छ ।
आज काठमाडौँको कार्यविनायक मन्दिरमा पूजा गर्दै चलचित्रको छायांकन सुरु गरिएको हो । फिल्मको शुभसाइत समारोहमा नायक अनमोल केसी, नायिका सुहाना थापा, कलाकार सलोन बस्नेत, निर्देशक झरना थापा, निर्माता सुनिलकुमार थापाको साथमा सिंगो यूनिट नै उपस्थित रहेको थियो ।
निर्देशक झरना थापाले आज फिल्मको केही दृश्य काठमाडौँमा खिचेर आजै पोखरा जाने जानकारी दिइन् ।