काठमाडौँ, ९ फागुन । हिमालय एजुकेशन नेटवर्क अन्तरगत संचालित शैक्षिक सञ्जाल अन्तरगत युरो किङ्गडम स्कुल सिफल कालोपुलमा अन्तरविद्यालय चित्रकला प्रतियोगीता सम्पन्न भएको छ ।
प्रतियोगीतामा उपत्यकाका ३ जिल्ला काठमाडौं,ललितपुर र भक्तपुरका २० बिद्यालयबाट एक सय विद्यार्थीको सहभागिता रहेको थियो ।
कक्षा १ र २ (क) समुहका विद्यार्थीलाई विषयबस्तु मेरो मस्तिष्कमा के छ ? दिईएको थियो भने ३ देखि ५ कक्षासम्मका (ख)लाई नेपालको सांस्कृतिक सम्पदा र ६ देखि ८ सम्मका (ग) समुहका बिद्यार्थीलाई विषयवस्तु मेरो नेपाल मेरो गर्व दिईएको थियो ।
३ समुहमा आयोजित प्रतियोगीतामा क समुहतर्फ सिफल माविकी रिधिका गुरुङ्ग, ख मा रिब्सका सेजल वस्नेत र ग अन्तर्गत कैलाश बोधी माविका विबेक अधिकारीले उपाधी हात पारेका छन् ।
दोस्रो स्थानमा क तर्फ सिफल माविका आर्षित खनाल, ख तर्फ रिब्सकी पायल थापा र ग तर्फ बिश्व बोधी विद्यालयका प्रज्वल मगरले विजय हासिल गरे ।
यसैगरी तस्रो स्थानमा क तर्फ भक्तपुर निष्ट स्कुलका एलेक्स ऐयर ख तर्फ लिटल फ्लावरकी सम्बृद्धि श्रेष्ठ र ग तर्फ रिब्सकी हिमानी थापाले विजय हासिल गरेका छन् ।
बिजयी विद्यार्थीलाई ट्रफी तथा प्रमाणपत्र र सहभागी सबैलाई प्रमाणपत्र वितरण गरिएको थियो । कार्यक्रममा नेपालका अग्रज चित्रकारद्धय राधेश्याम मुल्मी र अशोकमान सिंह प्रतियोगीताको निर्णायक रहनुभएको थियो ।
सो अवसरमा बोल्दै चित्रकार मुल्मीले चित्रकला संचारको भरपर्दो बिषय भएको उल्लेख गर्दै चित्रकलाको माध्यमबाट समस्त कला, संस्कृति र रहनसहनको प्रस्तुति गर्न सकिने वताउनुभयो ।
विद्यालयका अध्यक्ष सागर मानन्धरले बिजेता तथा सहभागी विद्यालय तथा विद्यार्थीलाई वधाई एबं कार्यक्रम सफल बनाउन सहयोग गर्ने सबैलाई धन्यवाद ज्ञापन गर्नुभएको थियो ।
