भक्तपुर, ९ फागुन । भक्तपुर युरो किड्स सल्लाघारीका युरो सिनीयरदेखि ३ कक्षासम्मका साना कराते खेलाडीको बेल्ट प्रमोशन गरिएको छ ।
मदन भण्डारी स्पोर्टस एकेडेमीका महासचिव वचन देउजाको प्रमुख आतिथ्यतामा भएको कराते बेल्ट ग्रेडिङ्गमा कराते खेलसंग सम्वन्धित व्यक्तित्वहरुको उपस्थिति रहेको थियो ।
कराते बेल्ट ग्रेडिङ्गमा धनुषा जिल्ला खेलकूद विकास समितिका अध्यक्ष कमल किशोर चौधरी, खेलपत्रकार श्रीलोचन राजोपाध्याय, स्थानीय समाजसेवीहरु सुनिल अधिकारी, यादव प्रसाद अधिकारी, अञ्जान बस्नेतलगायतको सहभागिता थियो ।
विद्यालयका अध्यक्ष नवराज काफ्लेको सभापतित्वमा सम्पन्न कराते बेल्ट ग्रेडिङ्गमा विद्यालयकी संस्थापक प्रिन्सिपल सम्झना गिरीले साना विद्यार्थीहरुमा खेलकूदको महत्वबारे प्रकाश पारेकी थिईन । कार्यक्रमको संयोजन रविन पोखरेलले गरेका थिए । हप्तामा दुईदिन कराते गुरु रविन पोखरेलले ति विद्यार्थीहरुलाई कराते सिकाउँदै आएका छन् ।
कार्यक्रममा शारिरीक सुगठनका विजेता खेलाडी डेभिड बलामी र कविन्द्र बस्याल तथा कराते प्रशिक्षकहरु घुर्मी शेर्पा, प्रकाश श्रेष्ठ, सुनिल नकर्मी, मकर श्रेष्ठ र कविन्द्र बस्याललाई विद्यालयको तर्फबाट अध्यक्ष काफ्ले र संस्थापक प्रिन्सिपल गिरीले सम्मान गरेका थिए । कार्यक्रममा भिएचएस जर्मनीका स्वयमसेवक शैला वेफेन र लिना हयाभ्करको पनि उपस्थिति थियो ।
