काठमाडौँ, १४ माघ । हरेक वर्ष रक्तदान गर्दै आएको एपोलो इन्टरनेशनल कलेज लाखेचौर नयाँबानेश्वरले यसपाली पनि मंगलबार उक्त कलेज परिसरमा वृहत खुल्ला रक्तदान कार्यक्रम आयोजना गर्यो ।
समुदाय प्रहरी साझेदारी कार्यक्रम अन्तर्गत सामुदायीक प्रहरी सेवा केन्द्र १० लाखेचौर र नेपाल रेडक्रस सोसाइटीको समन्वयमा आयोजित रक्तदानमा कलेजका विद्यार्थी, शिक्षक, कर्मचारी र सर्वसाधारण गरी ९८ जनाले रक्तदान गरेका थिए । सामुदायीक प्रहरी सेवा केन्द्रका इन्चार्ज ताराराम दयालले सो कार्यक्रमको संयोजन गरेका थिए ।
कलेजका अधिकाँश विद्यार्थी, शिक्षक र कर्मचारी रक्तदानको लागि इच्छुक भएतापनि उनीहरुमा रक्तचाप, मधुमेह लगायतका रोगको कारण सयजना भन्दा बढीले रक्तदान गर्न नपाएर फर्केको एपोलो इन्टरनेशनल कलेजका प्रशासन प्रमुख गणेश गौतमले बताए ।
रक्तदान कार्यक्रमको अनुगमन गर्न गएका महानगरीय प्रहरी वृत्त नयाँबानेश्वरका प्रमुख प्रहरी नायव उपरिक्षक दुर्गाराज रेग्मीलाई कलेजका प्रशासन प्रमुख गौतमले उपहार प्रदान गरेका थिए ।
