काठमाडौँ, १४ माघ । तेस्रो सम्झना कप खुल्ला अन्तराष्ट्रिय टेबल टेनिस प्रतियोगिता शनिबारबाट हुने भएको छ ।
अखिल नेपाल टेबल टेनिस संघको तत्वाबधान तथा ललितपुर टेबल टेनिस क्लबको आयोजनामा तेस्रो सम्झना कप खुल्ला अन्तर्राष्ट्रिय टेबल टेनिस प्रतियोगिता शनिबारबाट सुरु हुन लागेको हो ।
लैनचौरस्थित राष्ट्रिय टेबल टेनिस प्रशिक्षण केन्द्रमा सञ्चालन हुने प्रतियोगितामा भारत, दक्षिण कोरिया, पाकिस्तान तथा नेपालका ३ विभागीय टोलीसहित टेबल टेनिस संघमा आबद्ध जिल्ला, स्कुल र कलेजका गरी ५ सय २४ खेलाडी सहभागी हुनेछन् ।
ओपन इभेन्टमा प्रथम हुनेलाई ६० हजार रुपैयाँ पुरस्कार, दोस्रो हुनेलाई ३० हजार तथा तेस्रो हुनेले १० हजार रुपैयाँ पुरस्कार पाउनेछ ।
