भक्तपुर, ८ माघ । ‘उदाउँदो केन्द्र’को रुपमा अन्र्तराष्ट्रिय युरो किड्सबाट पुरस्कृत सल्लाघारीस्थित भक्तपुर युरो किड्सले विभिन्न खेलकूद र मनोरञ्जनात्मक कार्यक्रमका साथ यो वर्षको ‘युरो हिँउदे महोत्सव’ अर्थात युरो विन्टर कार्निभल आयोजना गरेको छ ।
विद्यालयका प्रवन्ध निर्देशक नवराज काफ्लेका अनुसार उक्त महोेत्सवमा सांगितिक कार्यक्रमदेखि विभिन्न थरीका खेल र अन्य मनोरञ्जनका कार्यक्रम समावेश थिए । युरो किड्समै अध्ययनरत विद्यार्थी, उनीहरुका अभिभावकको साथै युरो विन्टर कार्निभल हेर्न आएका वालवालिका र अभिभावकहरुलाई समेत सहभागी गराई विभिन्न खेल खेलाइएको थियो ।
विद्यालयको विशेषता र नयाँ कार्यक्रमहरुबारे केटाकेटी र नयाँ अभिभावकहरुलाई जानकारी गराउन पनि विन्टर कार्निभल आयोजना गरिएको विद्यालयकी संस्थापक प्रिन्सिपल सम्झना गिरीले बताइन । विद्यालयले आउँदो श्रीपञ्चमी अर्थात सरस्वती पुजाको अवसरमा नयाँ विद्यार्थीलाई निःशुल्क भर्ना गर्ने घोषणा गरिसकेको छ ।
