काठमाडौँ, १ माघ । ‘मोडल सङ्स अवार्ड, २०२०’ भारतको राजधानी नयाँ दिल्लीमा मोडल सङ्स नेपालले आयोजना गर्ने भएको छ ।
ग्लोरी मिडिया, पेजेन्ट नेपाल र दक्ष इन्टरनेशनल एसोसिएट्स पार्टनर रहेको उक्त अवार्ड शो अप्रिल १२ मा हुन लागेको हो । आज राजधानीमा एक पत्रकार भेटघाट गरी अवार्डका बारे जानकारी गराउदै आयोजक संस्थाका सीईओ डेविल सिंह राजपुतले संगीत, चलचित्र, फेशन, मोडल, इभेन्टअन्तर्गत विभिन्न विधामा भोटिङका आधारमा पुरस्कृत गरिने जानकारी दिए ।
अवार्डमा मनोनयनका लागि माघ २ गतेदेखि आवेदन फाराम खुल्ला हुने छ । फेब्रुअरी २९ भित्र आवेदन फाराम भरिसक्नुपर्ने छ भने अवार्डको नोमिनेसन मार्च ७ मा सार्वजनिक गरिने छ । मनोनयनमा पर्नेहरुले मार्च २१ मा नोमिनेशन सर्टिफिकेट प्राप्त गर्ने छन् ।