काठमाडौँ, २३ पौष । सुदूरपश्चिम जानाका महाकाली यातायातको टिकट अनलाइनबाटै काट्न सकिने भएको छ ।
कम्पनीका अध्यक्ष डम्बरराज पन्तका अनुसार यात्रुलाई टिकट काट्न काउन्टरसम्म धाउन नपरोस् भन्ने उद्देश्यले अनलाइन टिकटिङ सुरु गरिएको बताए ।
योसँगै महाकाली यातायातबाट काठमाडौं महेन्द्रनगर, महेन्द्रनगरदेखि बुटवल, तथा महेन्द्रनगरदेखि पोखरा चल्ने एसी तथा डिलक्स् बसको टिकट अनलाइनबाट काट्न सकिनेछ ।
यात्रुहरूले बससेवा डटकम, इसेवा डटकम डट एनपी, बससेवाको मोबाइल एप्लिकेसनमार्फत् अनलाइन टिकट काट्न सक्नेछन् । साथै नजिकको इसेवा जोन, पोइन्ट लगायत साइबर, कम्युनिकेसन, आईएमई पे, मोबाइल बैंकिङ तथा इन्टरनेट बैंकिङमार्फत् समेत टिकट काट्न सकिनेछ ।
