काठमाडौँ, १९ पौष । प्रदेश नम्वर ३ सुनसरीको इनरुवामा जारी मनमोहन स्मृति कप एक दिवसीय राष्ट्रिय क्रिकेट प्रतियोगिताको सेमीफाइनलमा प्रवेश गरेको छ । समूह ‘सी’ को शिर्ष स्थानमा रहँदै प्रदेश ३ ले सेमीफाइनलमा स्थान पक्का गरेको हो ।
प्रतियोगिता अन्र्तगत समूहको अन्तिम खेलमा प्रदेश नम्बर ३ ले प्रदेश १माथि ७ विकेटको जित निकालेको छ । प्रदेश ३लाई जित दिलाउने क्रममा क्यापटेन सुवास खकुरेलले नटआउट ८५ रनको पारी खेले । खकुरेलले आफ्नो पारीमा ७ चौका र ५ छक्का हिर्काए । टिमका लागि रीत गौतमले १७, आदील खानले ११ रन बनाउँदा इशान पाण्डेले ५ रन जोडे । जितेन्द्र सिंह ठकुरी १७ रनमा नटआउट रहे ।
