एजेन्सी, ७ पौष । भारतीय प्रधानमन्त्री नरेन्द्र मोदीले नागरिकता विधेयक सताइएका मानिसहरुलाई सहयोग गर्नका लागि ल्याइएको बताएका छन ।
दिल्ली चुनावी-यालीलाई सम्बोधन गर्दै प्रधानमन्त्री मोदीले देशभर भएका प्रदर्शनकाबीच हालै जारी भएको नागरिकतासम्बन्धी कानूनको बचाउ गरेका छन् ।
मोदीले नागरिकता ऐनबारे भ्रम फैलाइएको आरोप लगाए । उनले तोडफोडको निन्दा समेत गरेका छन् । प्रधानमन्त्री मोदीले सांसद र संसदको सम्मान गर्न पनि भनेका छन् । मुसलमान विरोधी भनी आलोचना भएको सो कानूनको विरोधका क्रममा भएका प्रदर्शनमा हालसम्म २३ जनाले ज्यान गुमाइसकेका छन् ।
सो कानुनले छिमेकी तीन देशका गैरमुसलमान गैरकानुनी आप्रवासीलाई भारतीय नागरिकता प्राप्त गर्नका लागि सहजता दिएको छ ।
