काठमाडौँ, ६ पुस । हाँस्य जोडी सिताराम कट्टेल र कुञ्जना घिमिरेले निर्माण तथा अभिनय गरेको फिल्म ‘सेन्टी भाइरस’ फागुणको ९ गतेबाट रिलिज हुँदैछ ।
यस अघि सिताराम र कुञ्जनाले दीपकराज गिरी र दीपाश्री निरौलाको टिममा रहेर ‘६ एकान ६ र वडा नम्बर ६’मा काम गरेका थिए । यसपछि भने यो जोडी दिपक–दीपाको टिममा छैन । यसैले, सिताराम–कुञ्जनाको प्रतिस्पर्धा दीपक–दीपासँग रहेको भन्ने चर्चा सुनिन्छ ।
उक्त बिषयमा कुञ्जना भन्छिन्, ‘म त दिपक र दीपालाई हरेक समय मिस गर्छु । किनकी, मेरो करिअरको सुरुवात कमेडियनको रुपमा ‘तितो सत्य’बाट भएको हो । दीपक दाई र दीपाश्री दिदीसँग मेरो प्रतिस्पर्धा नै छैनँ । म त उहाँहरुलाई सधै सम्मान गर्छु । म उहाँहरुको फलोअर्स हुँ । फलोअर्सले प्रतिस्पर्धा गर्दैन ।’
