काठमाडौँ, ५ पुस । नेपाल प्रहरीको अस्पतालको निमित्त प्रमुख (मेडिकल डाइरेक्टर)को जिम्मेवारी डिआईजी डाक्टर मिनराज पाठकले पाएका छन् ।
शुक्रबार अस्पतालकि एआईजी डा. दुर्गा थापाले ३० बर्षे सेवाहदका कारण अवकाश पाएपछि शुक्रबारदेखि नै पाठकले निमित्र प्रमुखको जिम्मेवारी सम्हालेका छन् ।
सरकारले वरिष्ठतामा अगाडि रहेका बालरोग विशेषज्ञ डा. पाठकलाई नै एआईजीमा बढुवा गरेर अस्पतालको मेडिकल डाइरेक्टरको पूर्ण जिम्मेवारी दिनेछ ।
मेडिकल डाइरेक्टर (एआईजी) नियुक्त भए डा. पाठकले करिब चार बर्ष नेपाल प्रहरी अस्पतालको नेतृत्व सम्हाल्नेछन् ।
