काठमाडौँ, २ पौष । १४ औं फेका कप फुटबल प्रतियोगितामा दोस्रो भई २० हजार नगद राशीसहित ट्रफि र रजत पदक जितेका करियर विल्डिङ्ग इन्टरनेशनल एकेडेमी (करियर स्कुल) पेप्सीकोला, टाउनप्लानिङ्ग फुटवल टीमका खेलाडीहरुका लागि विद्यालयले वधाई कार्यक्रमको आयोजना गरेको छ ।
करियर स्कुलमा आयोजित प्रार्थना सभामा प्रिन्सिपल हेम राई, एकेडेमिक हेड दिपेन्द्र श्रेष्ठलगायतले विजयी फुटबल खेलाडीलाई वधाई तथा शुभकामना दिएका थिए । विगत तीन वर्षसम्म लगातार विजयी भई ११, १२ र १३ औं संस्करणको फेका कफ ट्रफि पचाउन सफल करियर फूटबल टीमले १४ औं पटकमा भने फाइनलमा दोस्रो भएर रजत पदकमै चित्त बुझाउन परेको थियो ।
तैपनि शुरुका खेल देखिनै करियर टीमले आफ्नो आफ्नो दवदवा कायम मात्रै राखेन, अपराजित भई खेल भएका हरेक दिन जसोमा खेल जित्नुको साथै ‘म्यान अफ द म्याच’ लगायतका पुरस्कार पनि जिति नै रहेको थियो ।
फाइनल प्रतियोगितामा करियर फुटवल टीमले दोस्रो भएर नगद २० हजारसहित, ट्रफि, रजत पदकको साथै करियरका लक्ष्मण शाहीले इमर्जिङ्ग प्लेयर, शाहिल बस्नेतले बेस्ट मिडफिल्डर र सुजन भट्टराईले बेस्ट डिफेन्सको पदक पनि जितेका थिए । यसका साथै करियर फुटवल टीमले पेप्सीकोला फुटबल खेलमैदानमा उपस्थित सबै दर्शकको मन जितेका थिए ।
