कांग्रेसद्वारा बलत्कारीलाई छोड्न माग गर्दै प्रदर्शन

सप्तरी, २७ मंसिर । स्थानीय एक महिलालाई बलात्कार प्रयास गरेको आरोपमा पक्राउ परेका सप्तरीको शम्भुनाथ नगरपालिका वडा नम्बर १२ का वडाध्यक्ष लक्ष्मी साहको रिहाई माग गर्दै प्रमुख प्रतिपक्षी दल नेपाली कांग्रेसले प्रदर्शन गरेको छ ।

कांग्रेस जिल्ला कमिटी सप्तरीले शुक्रबार राजविराजमा प्रदर्शन गरेको छ । शम्भुनाथ नगरपालिका वडा नम्बर १२ का बासिन्दाहरुको सक्रियतामा नेपाली कांग्रेस सप्तरीले प्रदर्शन गरेको हो । पार्टी कार्यालयबाट निस्कएको जुलुसले वडाध्यक्ष साहलाई रिहा भन्ने नारा लगाउँदै नगरका विभिन्न भागको परिक्रमा गरेको थियो ।

गत मंसिर १३ गते आफ्नै वडाकि महिलालाई कुखुरा र्फममा बोलाई जर्बजस्ती बलात्कारको प्रयास गरेको आरोपमा वडाध्यक्ष साह मंसिर २४ गते पक्राउ परेका थिए । साहसँगै मोहम्मद नसिम र अनिल रायलाई पनि प्रहरीले पक्राउ गरिएको छ । जुलुसपछि सप्तरीका प्रमुख जिल्ला अधिकारी सुनिल खनाल र प्रहरी उपरिक्षक कृष्ण प्रसाईलाई रिहाइ माग गर्दै ज्ञापन पत्र पनि बुझाएको छ ।

पीडित महिलाको उजुरीको आधारमा अनुसन्धानका लागि पक्राउ गरिएको जिल्ला प्रहरी कार्यालय सप्तरीका प्रमुख एसपी कृष्ण प्रसाइले बताउनुभयो ।

सप्तरी कांग्रेसले भने उनलाई योजनाबद्ध ढंगले फसाउन खोजिएको दावी गरेको छ । कांग्रेस सप्तरीका सभापति दिनेश यादवले भन्नुभयो, ‘राजनीतिक प्रतिशोधनको भावनाले प्रेरित भई नियोजित ढंगले निवेदिका महिलालाई परिचालन गरी फँसाइएको हाम्रो पार्टीको अध्ययनबाट देखिएको छ ।’ सभापति यादवले तत्काल रिहाइ नगरिए बाध्य भई कडा संघर्षमा जाने निश्चित रहेको चेतावनी समेत दिनुभयो ।

प्रतिक्रिया दिनुहोस्

संबन्धित समाचार

काठमाडौँ, २७ वैशाख । राष्ट्रपति विद्यादेवी भण्डारीले बहुमतको सरकार गठन गर्न दलहरुलाई आहृवान गर्नुभएको छ । प्रधानमन्त्री केपी शर्मा ओली

काठमाडौँ, २७ वैशाख । सरकारले प्रतिनिधिसभाको विशेष अधिवेशन सोमबार राति १२ बजेदेखि लागू हुने गरी अन्त्य गर्न सिफारिस गरेको छ

काठमाडौँ, २७ वैशाख । नेकपा एमालेको प्रवभाशाली विद्यार्थी संगठन अनेरास्ववियुका संयोजक/अध्यक्ष ऐन महरले संविधान अनुसार पार्टी अध्यक्ष केपी शर्मा ओलीले

काठमाडौँ, २७ वैशाख । प्रधानमन्त्री केपी शर्मा ओलीले प्रतिनिधिसभाको बैठकमा माग्नुभएको विश्वासको मतमा एमालेकै माधव नेपाल समूहका २८ जना सांसदहरुले

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021