काठमाडौँ, २५ मंसिर । प्रथम गणेश प्रसाद रिजाल उपत्यकाव्यापी माद्यमिक विद्यालयस्तरीय गायन प्रतियोगितामा बेबिलोन नेशनल स्कुल शान्तिनगरका ८ कक्षाका वालगायक विक्रम कार्की पहिलो भएर ८ हजार नगदसहित शिल्ड, पदक र प्रमाणपत्र जितेका छन् ।
विजयी वालगायक कार्कीलाई बुधबार बेबिलोन स्कुलको प्रार्थना सभामा आयोजित एक कार्यक्रममा बेबिलोन एजुकेशन फाउण्डेशनका अध्यक्ष तेज बहादुर राई, विद्यालय व्यवस्थापन समितिका अध्यक्ष एवम् गायक प्रकाश आचार्य तथा बेबिलोन स्कुलका पुर्व विद्यार्थी एवम् भ्वाइस अफ नेपालका रनर अप सनिश श्रेष्ठले कार्कीले जितेको नगद, शिल्ड, पदक तथा प्रमाणपत्र हस्तान्तरण गरे ।
वालगायक कार्कीको प्रतिभाको कदर गर्दै बेबिलोन नेशनल स्कुलले उनलाई ५ कक्षादेखि पुर्ण छात्रवृत्ति दिएर पढाउँदै आएको विद्यालयका प्रिन्सिपल राजु राईले बताए ।
वालगायक कार्कीलाई विद्यालय व्यवस्थापन समितिका अध्यक्ष एवम् गायक प्रकाश आचार्य र संगीत प्रशिक्षक सागर गौतमले गायनका विविध पक्षबारे आवश्यक प्रशिक्षण दिएर उनको प्रतिभा प्रष्फुटनमा सघाउँदै आएका छन् ।
