काठमाडौँ, २० मंसिर । १३ औं दक्षिण एसियाली खेलकुद (साग) अन्तर्गत एथ्लेटिक्सको ५ हजार मिटर दौडमा नेपालका गोपीचन्द्र पार्कीले स्वर्ण पदक जितेका छन् ।
त्रिपुरेश्वरस्थित दशरथ रंगशालामा आज गोपीचन्द्रले निर्धारित दुरी १४ मिनेट ५४.२० सेकेन्डमा पूरा गर्दै स्वर्ण जितेका हुन् । १३ औं दक्षिण एसियाली खेलकुद (साग)मा नेपालले जितेको यो ३७औं स्वर्ण पदक हो ।
त्यसैगरी यस स्पर्धामा भारतका सुनिल दवारले १४ मिनेट ५५.२१ सेकेन्डको समयसहित रजत जितेका छन् । नेपालका हरिकुमार रिमालले १४ मिनेट ५७.०५ सेकेन्डमा दौड पूरा गर्दै कास्य जितेका छन् । १३ औं साग खेलकुद प्रतियोगिताअन्तर्गत आज छैटौं दिन विभिन्न खेलहरू भइरहेका छन् ।
