काठमाडौँ, ९ मंसिर । १३औं दक्षिण एसियाली खेलकुद (साग)का सहभागी सबै विदेशी खेलाडी तथा खेलकर्मीलाई आयोजकले जनही पाँच लाख रुपैयाँ बराबरको दुर्घटना बिमा गरेको छ ।
यही मंसिर १५ देखि नेपालमा हुने(साग)का सहभागी सबै विदेशी खेलाडी तथा खेलकर्मीलाई दुर्घटना बिमा गर्नका लागी राष्ट्रिय खेलकुद परिषद (राखेप)का सदस्यसचिव रमेशकुमार सिलवाल र आइएमइ जनरल इन्स्योरेन्स लिमिटेडका प्रमुख कार्यकरी अधिकृत युगेशभक्त बादे श्रेष्ठले बिमा सम्झौतापत्रमा हस्ताक्षर गरेका हुन् ।
यसैगरी सागमा सहभागी हुने नेपाली खेलाडीलाई मंगलबार प्रधानमन्त्रीले सम्बोधन गर्ने, विशेष प्याकेज घोषणा गर्ने र एभीसी सेन्ट्रल जोनका विजेतालाई पुरस्कृत गर्ने कार्यक्रम रहेको छ
