काठमाडौँ, १ मंसिर । करियर विल्डिङ्ग इन्टरनेशनल एकेडेमी पेप्सीकोला टाउनप्लानिङ्गका ९ कक्षाका छात्र दिलेन्द्र सिंह बोहोराले ‘अन्तरविद्यालय ५ किमि क्रस कन्ट्री दौड’ प्रतियोगिताको टाइटल जितेर ट्रफि र स्वर्ण पदक हात पारेका छन् ।
कागेश्वरी मनोहरा नगरमा फेकाले आयोजना गरेको उक्त दौड प्रतियोगितामा दिलेन्द्रले आफ्ना प्रतियोगीलाई निकै पछाडि पारेर १८ मिनेट ४२ सेकेण्डमा सो दुरी पुरा गरेका थिए ।
विजयी धावक बोहोरालाई आइतबार विद्यालयमा आयोजित एक कार्यक्रममा प्रिन्सिपल हेम राई तथा शैक्षिक प्रमुख दिपेन्द्र श्रेष्ठले खादा ओढाएर वधाई तथा शुभकामना दिए ।
