काठमाडौँ, १७ कार्तिक । तेह्रौं दक्षिण एसियाली खेलकुद (साग)को तयारीमा रहेको नेपाली बिच भलिबल टोली विशेष अभ्यासका लागि श्रीलंका प्रस्थान गरेको छ ।
महिला तथा पुरुष राष्ट्रिय बिच भलिबल टोली विशेष अभ्यासका लागि श्रीलंका प्रस्थान गरेको हो । १० दिने श्रीलंका बसाइका क्रममा टोलीले अभ्याससँगै खेल पनि खेल्नेछ ।
पुरुषतर्फको टोलीमा मानबहादुर श्रेष्ठ, सञ्जु विक्रम शाह, दिल सुनुवार र राजु विक छन् । महिलातर्फ पूर्व राष्ट्रिय भलिबल टिमकी कप्तान बिनिता बुढाथोकी, कोपिला उप्रेती, नेबिका चौधरी र मनिषा चौधरी रहेकी छिन् ।
